٥١١٤: قیس بن مسلم نے طارق بن شہاب سے سنا کہ اہل بصرہ نے نہاوند کی لڑائی لڑی اور اہل کوفہ نے ان کی امداد کی جس سے نہاوند فتح ہوگیا۔ اہل بصرہ نے چاہا کہ اہل کوفہ کو غنیمت میں حصہ نہ ملے۔ اس وقت عمار (رض) کوفہ کے گورنر تھے۔ بنی عطارد کے ایک آدمی نے کہا۔ اے کان کٹے ! کیا تم ہماری غنیمتوں میں شرکت چاہتے ہو ؟ انھوں نے کہا میرے کان عنقریب اگ آئیں گے۔ چنانچہ انھوں نے حضرت عمر (رض) کی طرف لکھا تو حضرت عمر (رض) نے لکھا جو واقعہ میں موجود تھے ان سب کو غنیمت ملے گی۔ حضرت عمر (رض) نے اس ارشاد میں غنیمت کا حق انہی کو دیا جو اقعہ میں موجود تھے اور یہ بات ہمارے قول کی مؤید ہے۔ ان کو جواب میں کہے کہ یہ عین ممکن ہے کہ نہاوند فتح ہو کر دارالاسلام بن چکا ہو اور غنائم جمع ہو کر اہل کوفہ کے پہنچنے سے پہلے تقسیم ہوچکی ہوں۔ اگر یہ بات اسی طرح ثابت ہوجائے تو ہم کہیں گے کہ غنیمت ان لوگوں کو ہی ملے گی جو واقعہ میں موجود تھے۔ اگر فاروق اعظم (رض) کا جواب اس سوال سے متعلق ہے۔ تو اس میں کسی کو اختلاف نہیں اور اگر اہل کوفہ اہل بصرہ کے دارالشرک سے نکلنے سے پہلے وہاں پہنچ گئے ہوں اور لڑائی اس وقت ختم ہوچکی ہو۔ تو عمر (رض) نے لکھا کہ غنیمت واقعہ میں موجود سب کو ملے گی۔ اس روایت میں یہ دلالت موجود ہے کہ اہل کوفہ نے تقسیم میں اپنے حصہ کا مطالبہ کیا اور ان میں عمار بن یاسر (رض) اور ان کے علاوہ اور بھی اصحاب رسول اللہ (صلی اللہ علیہ وآلہ وسلم) موجود تھے۔ وہ ایسے لوگ تھے کہ جن کی بات وزن میں قول عمر (رض) کی برابری کرسکتی تھی۔ اب ان دونوں اقوال میں کسی ایک کو بلادلیل ترجیح نہیں دی جاسکتی خواہ وہ دلیل قرآن مجید سے ہو یا سنت نبوی سے۔ اب ہم قیاس صحیح سے ایک قول کو ترجیح دیتے ہیں۔ غور کرنے پر معلوم ہوتا ہے کہ دارالحرب سے دارالحرب کے کسی حصہ کی طرف روانہ کئے جانے والے چھوٹے لشکر جو غنیمت حاصل کریں گے وہ ان تمام کے مابین تقسیم کی جائے گی۔ خواہ اس لشکر میں گیا ہو یا نہ گیا ہو کیونکہ انھوں نے (بڑے لشکر میں شامل ہو کر اور دارالحرب میں اقامت سے) اپنی جان کی بازی لگا دی اس لیے ان میں سے کسی کو دوسرے پر فضیلت حاصل نہ ہوگی۔ اگر مختلف دشمنوں کے ساتھ ان کی لڑائیاں الگ الگ پیش آئیں۔ پس نظر کا تقاضا یہی ہے کہ بالکل اسی طرح جس نے اپنے آپ کو اسی طرح صرف کیا جس طرح واقعہ میں موجود لوگوں نے کیا تو وہ واقعہ میں حاضر شمار ہوں گے جب کہ وہ ان شرائط کے مطابق ہوں جن کا ہم ذکر کر آئے۔
حاصل روایت اور طریق استدلال : حضرت عمر (رض) نے اس ارشاد میں غنیمت کا حق انہی کو دیا جو واقعہ میں موجود تھے اور یہ بات ہمارے قول کی مؤید ہے۔
جواب یہ عین ممکن ہے کہ نہاوند فتح ہو کر دارالاسلام بن چکا ہو اور غنائم جمع ہو کر اہل کوفہ کے پہنچنے سے پہلے تقسیم ہوچکی ہوں۔ اگر یہ بات اسی طرح ثابت ہوجائے تو ہم کہیں گے کہ غنیمت ان لوگوں کو ہی ملے گی جو واقعہ میں موجود تھے۔ اگر فاروق اعظم (رض) کا جواب اس سوال سے متعلق ہے۔ تو اس میں کسی کو اختلاف نہیں اور اگر اہل کوفہ اہل بصرہ ان کے دارالشرک سے نکلنے سے پہلے وہاں پہنچ گئے ہوں اور لڑائی اس وقت ختم ہوچکی ہو۔ تو عمر (رض) نے لکھا کہ غنیمت واقعہ میں موجود سب کو ملے گی۔ اس روایت میں یہ دلالت موجود ہے کہ اہل کوفہ نے تقسیم میں اپنے حصہ کا مطالبہ کیا اور ان میں عمار بن یاسر (رض) اور ان کے علاوہ اور بھی اصحاب رسول اللہ (صلی اللہ علیہ وآلہ وسلم) موجود تھے۔ وہ ایسے لوگ تھے کہ جن کی بات وزن میں قول عمر (رض) کی برابری کرسکتی تھی۔ اب ان دونوں اقوال میں کسی ایک کو بلادلیل ترجیح نہیں دی جاسکتی خواہ وہ دلیل قرآن مجید سے ہو یا سنت نبوی سے۔ اب ہم قیاس صحیح سے ایک قول کو ترجیح دیتے ہیں۔
نظر طحاوی (رح) :
غور کرنے پر معلوم ہوتا ہے کہ دارالحرب سے دارالحرب کے کسی حصہ کی طرف روانہ کئے جانے والے چھوٹے لشکر جو غنائم حاصل کریں گے وہ ان تمام کے مابین تقسیم کی جائے گی۔ خواہ اس لشکر میں گیا ہو یا نہ گیا ہو کیونکہ انھوں نے (بڑے لشکر میں شامل ہو کر اور دارالحرب میں اقامت سے) اپنی جان کی بازی لگا دی اس لیے ان میں سے کسی کو دوسرے پر فضیلت حاصل نہ ہوگی۔ اگر مختلف دشمنوں کے ساتھ ان کی لڑائیاں الگ الگ پیش آئیں۔ پس نظر کا تقاضا یہی ہے کہ بالکل اسی طرح جس نے اپنے آپ کو اسی طرح صرف کیا جس طرح واقعہ میں موجود لوگوں نے کیا تو وہ واقعہ میں حاضر شمار ہوں گے جب کہ وہ ان شرائط کے مطابق ہوں جن کا ہم ذکر کر آئے۔
اس باب میں اگرچہ امام طحاوی (رح) کا رجحان تو قول ثانی کی طرف ہے مگر ان کو ترجیح کے لیے ان کو کوئی واضح روایت میسر نہیں آئی اسی لیے مبہم انداز میں ترجیح کو ذکر کیا۔ واللہ اعلم۔