٥١٨٧: قتادہ (رح) نے حضرت حسن (رض) سے نقل کیا ہے ‘ انھوں نے فرمایا اس کی میراث مسلمان ورثاء کو ملے گی جبکہ وہ اسلام سے مرتد ہوجائے۔ ان تمام حضرات کے قول کے مطابق مرتد کی وراثت اس کے مسلمان ورثاء کو ملے گی اور ان کے اس قول کو نظری دلیل اور زیادہ پختہ کردیتی ہے۔ ملاحظہ ہو۔ مرتد ہوجانے سے پہلے تو بالاتفاق اس کے خون کی حرمت اور مال کی حرمت موجود ہوتی ہے پھر جب وہ ارتداد اختیار کرتا ہے تو اس پر بھی تمام کا اتفاق ہے کہ سابقہ عظمت و محفوظیت ختم ہوگئی اور وہ مباح الدم ہوگیا اور مال ارتداد کی حالت میں بھی محفوظ رہتا ہے سابقہ ممانعت و حفاظت کی وجہ سے۔ جب مرتد کا مال اس کے ارتداد کی وجہ سے مال غنیمت نہیں بن جاتا تو قیاس کا تقاضا یہی ہے کہ اس کا خون بہانے کے سبب سے بھی اس کا مال غنیمت نہ بنے۔ جب اس کا مال غنائم میں داخل نہیں تو اس کی دو صورتیں ہیں۔ اس کی وراثت اصل ورثاء کو ملے۔ عام مسلمانوں کو ملے۔ اب اگر وراثت اصل ورثاء اسلامی کو ملتی ہے تو یہی بات ہم نے کہی اور اگر عام مسلمانوں کو ملے تو پھر بھی مقصود ثابت کہ مسلمان کافر کا وارث بن گیا۔ تو جب مرتد اس مسلمان کی طرح ہے جس کی وراثت مسلمان ورثاء کو حاصل ہوتی ہے اور وہ ارتداد کی وجہ سے اس حکم سے خارج نہیں ہوتا تو اس کے وارث وہی لوگ ہوں گے۔ جو حالت اسلام پر مرنے کی صورت میں وارث ہوتے۔ دوسرے لوگ وارث نہ ہوں گے یہ امام ابوحنیفہ ‘ ابو یوسف ‘ محمد (رح) کا قول ہے۔
ان تمام حضرات کے قول کے مطابق مرتد کی وراثت اس کے مسلمان ورثاء کو ملے گی اور ان کے اس قول کو نظری دلیل اور زیادہ پختہ کردیتی ہے۔ ملاحظہ ہو۔
نظر طحاوی (رح) :
مرتد ہوجانے سے پہلے تو بالاتفاق اس کے خون کی حرمت اور مال کی حرمت موجود ہوتی ہے پھر جب وہ ارتداد اختیار کرتا ہے تو اس پر بھی تمام کا اتفاق ہے کہ سابقہ عظمت و محفوظیت ختم ہوگئی اور وہ مباح الدم ہوگیا اور مال ارتداد کی حالت میں بھی محفوظ رہتا ہے سابقہ ممانعت و حفاظت کی وجہ سے۔
جب مرتد کا مال اس کے ارتداد کی وجہ سے مال غنیمت نہیں بن جاتا تو قیاس کا تقاضا یہی ہے کہ اس کا خون بہانے کے سبب سے بھی اس کا مال غنیمت نہ بنے۔ جب اس کا مال غنائم میں داخل نہیں تو اس کی دو صورتیں ہیں۔
نمبر 1: اس کی وراثت اصل ورثاء کو ملے۔
نمبر 2: عام مسلمانوں کو ملے۔ اب اگر وراثت اصل ورثاء اسلامی کو ملتی ہے تو یہی بات ہم نے کہی اور اگر عام مسلمانوں کو ملے تو پھر بھی مقصود ثابت کہ مسلمان کافر وارث بن گیا۔ تو جب مرتد اس مسلمان کی طرح ہے جس کی وراثت مسلمان ورثاء کو حاصل ہوتی ہے اور وہ ارتداد کی وجہ سے اس حکم سے خارج نہیں ہوتا تو اس کے وارث وہی لوگ ہوں گے۔ جو حالت اسلام پر مرنے کی صورت میں وارث ہوتے۔ دوسرے لوگ وارث نہ ہوں گے یہ امام ابوحنیفہ ‘ ابو یوسف ‘ محمد (رح) کا قول ہے۔

ازالہ شبہہ :
مرتد کے دارالحرب میں چلے جانے سے اس کی ملک اس وجہ سے زائل ہوجاتی ہے کیونکہ وہ بطور استحقاق ہمارے ملک سے نکل کر دارالحرب میں چلا گیا حالانکہ ہمارے ملک میں ہمارے ساتھ لڑنے کی وجہ سے اس کا خون مباح ہوچکا تھا۔ اس کی دلیل یہ ہے کہ اگر کوئی حربی کافر ہمارے ملک میں داخل ہو کر پھر دارالحرب کی طرف لوٹ جائے اور دارالاسلام میں مال چھوڑ جائے تو اس کے باوجود اس کی ملکیت زائل نہ ہوگی۔ کیونکہ وہ دارالحرب کا حقدار ہو کر نہیں نکلا اس لیے کہ وہ دارالحرب میں داخل ہونے تک ہماری حفاظت میں ہے۔
حاصل روایت : مرتد کے حالت ارتداد میں ہلاکت کی صورت میں اس کا مال مسلمان ورثاء کو ملے گا اسی کو امام طحاوی (رح) نے ترجیح دے کر ثابت کیا ہے۔