٥١٩٧: ابن عون نے محمد سے روایت کی کہ حضرت عمر (رض) نے فرمایا زمینوں کی ملکیت ہمارے اختیار میں ہے۔ ان آثار سے دلالت مل گئی کہ تمام زمینوں کی ملکیت مسلمان حکمران کو حاصل ہے ان کے ہاتھ سے اس وقت نکلے گی جب وہ اپنی صوابدید کے مطابق اس کی آبادکاری اور بہتری کے لیے مسلمانوں کے حوالے کریں گے۔ یہی امام ابوحنیفہ (رح) کا قول ہے۔
امام طحاوی (رح) کا تبصرہ : ان آثار سے دلالت مل گئی کہ تمام زمینوں کی ملکیت مسلمان حکمران کو حاصل ہے ان کے ہاتھ سے اس وقت نکلے گی جب وہ اپنی صوابدید کے مطابق اس کی آبادکاری اور بہتری کے لیے مسلمانوں کے حوالے کریں گے۔ یہی امام ابوحنیفہ (رح) کا قول ہے۔
اس باب میں امام طحاوی (رح) کا رجحان امام ابوحنیفہ (رح) کے قول کی طرف ہے اس کو دلائل نقلیہ اور نظریہ سے اچھی طرح واضح کیا ہے کہ زمین افتادہ حاکم کی اجازت سے آبادکار کی ملکیت بنے گی اپنی مرضی سے قبضہ کر کے آباد کرنے سے اس کی ملکیت نہ بنے گی۔ (مترجم)