٥٢٠: قتادہ نے موسیٰ بن سلمہ سے اور انھوں نے ابن عباس (رض) سے اسی طرح روایت نقل کی ہے۔ یہ اصحاب رسول (صلی اللہ علیہ وآلہ وسلم) کے اقوال ہیں یہ تمام اقوال موزے پر مسح کے مقیم و مسافر کے متعلق وقت کے مقرر ہونے پر متفق ہیں۔ پس ان کی مخالفت کسی کو درست نہیں۔ یہ جو کچھ ہم نے ذکر کیا یہ امام ابوحنیفہ ‘ ابویوسف ‘ محمد بن الحسن (رح) کا قول ہے۔
حاصل روایات :
ان مزید تائیدی روایات سے بھی موزوں پر مسح کی مدت کا مقرر ہونا معلوم ہوتا ہے یہ تمام مدت مسح کی توقیت پر متفق ہیں پس ان سے تخلف جائز نہیں۔
یہی امام ابوحنیفہ ‘ ابو یوسف ‘ محمد بن الحسن (رح) کا قول ہے۔
لطیفہ : مسح علی الخفین کا مسئلہ ٦٧ صحابہ (رض) سے مروی ہے۔ (کذا فی نخب الافکار ج ١)