٥٢٠٣: ابو اسحاق نے بیان کیا کہ ایک آدمی نے حضرت براء (رض) سے کہا اے ابو عمارہ ! تم حنین کے دن شکست کھا کر بھاگے ؟ انھوں نے جواب دیا نہیں اللہ کی قسم ! جناب رسول اللہ (صلی اللہ علیہ وآلہ وسلم) میدان سے نہیں بھاگے۔ لیکن جلد باز لوگ بھاگے۔ ان کو ہوازن نے تیروں سے آلیا۔ واقعۃً میں نے جناب رسول اللہ (صلی اللہ علیہ وآلہ وسلم) کو سفید خچر پر سوار پایا جبکہ ابو سفیان بن حارث (رض) خچر کی لگام تھامے ہوئے تھا۔ آپ (صلی اللہ علیہ وآلہ وسلم) کی زبان مبارک پر یہ کلمات تھے میں نبی ہوں اس میں جھوٹ نہیں۔ میں عبدالمطلب کا بیٹا (پوتا) ہوں (یعنی بزدل نہیں) ۔
تخریج : بخاری فی الجہاد باب ٦١‘ ترمذی فی الجہاد باب ١٥‘ مسند احمد ٤؍٢٨٩۔