٥٢٣: محمد بن ثابت کہتے ہیں کہ ہمیں نافع نے بیان کیا کہ میں ابن عمر (رض) کے ساتھ ابن عباس (رض) کے ہاں کسی کام کیلئے گئے انھوں نے ہمارا کام پورا کردیا ان کا اس دن کا واقعہ اس طرح ہوا کہ ایک آدمی کا گزر جناب نبی اکرم (صلی اللہ علیہ وآلہ وسلم) کے پاس سے ہوا جبکہ آپ کسی گلی میں تھے اور آپ اسی وقت قضائے حاجت (بول یا براز) سے فارغ ہوئے تھے اس آدمی نے آپ کو سلام کیا آپ نے اس کے سلام کا جواب نہ دیا یہاں تک کہ وہ آدمی گلی کا موڑ مڑنے لگا تو آپ نے تیمم کے لیے دونوں ہاتھوں کی ضرب چہرے کے لیے لگائی اور دوسری ضرب بازو کے لیے لگا کر تیمم کیا پھر اس آدمی کے سلام کا جواب دیا اور فرمایا میاں سنو ! مجھے سلام کا جواب دینے میں صرف یہ چیز رکاوٹ بنی کہ میں طہارت سے نہ تھا۔
تخریج : ابو داؤد فی الطھارۃ باب ٨ روایت ١٦