٥٢٣٥: سعید بن المسیب نے ابوہریرہ (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت کی ہے۔ ایک سائل کہنے لگا اے سفیان ابو محمد کیا ابو سلمہ ان کے ساتھ ہیں ؟ تو انھوں نے فرمایا اگر ابو سلمہ ان کے ساتھ ہوں تب بھی حکم میں ان کے ساتھ ہیں یعنی یہی حکم دینے والے ہیں۔ تمام فئی کا یہی حکم ہے اور خمس غنائم بھی اسی حکم میں ہے۔ لوگوں نے اس آیت فئی کے متعلق مختلف کلام کیا ہے۔ واعلموا انما غنمتم من شیء فان اللہ خمسہ والرسول ولذی القربی والیتامٰی والمساکین وابن السبیل “ (الایہ ٤١ سورة الانفال) اسی طرح غنیمت کے متعلق بھی کلام کیا ہے۔ فئی میں ایک حصہ لازم ہے اسی طرح غنیمت کے خمس میں بھی لازم ہے انھوں نے اس حصے کو بیت اللہ شریف پر خرچ کے لیے قرار دیا ہے۔ انھوں نے یہ ابوالعالیہ سے روایت کی ہے۔