٥٢٤١: ابو صالح نے حضرت ابوہریرہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا یہ غنائم تم سے پہلے کسی سیاہ بالوں والی قوم کے لیے حلال نہ تھے بلکہ آسمان سے آگ آ کر ان کو جلا دیتی تھی یہاں تک کہ بدر کا دن آیا اور وہ غنائم میں مبتلا ہوئے اور اس کے متعلق ان میں اختلاف ہوگیا تو اللہ تعالیٰ نے یہ آیت نازل فرمائی۔ لو لا کتاب من اللہ سبق۔۔۔ پھر اصحاب رسول اللہ (صلی اللہ علیہ وآلہ وسلم) نے غنیمت کے (تقسیم کے) متعلق اختلاف کیا تو اللہ تعالیٰ نے ان سے تقسیم کا حق چھین کر جناب رسول اللہ (صلی اللہ علیہ وآلہ وسلم) کو عنایت فرمایا اور یہ آیت اتاری : یسئلونک عن الانفال قل الانفال اللہ والرسول۔۔۔ آپ سے غنائم کے متعلق پوچھتے ہو تو آپ فرما دیں یہ اللہ اور رسول اللہ (صلی اللہ علیہ وآلہ وسلم) کے لیے ہیں۔
تخریج : ترمذی فی تفسیر سورة ٨‘ باب ٧‘ مسند احمد ٢؍٢٥٢۔