٥٢٥: عبدالرحمن بن ہرمز نے ابن عباس (رض) کے مولیٰ عمیر سے نقل کیا کہ وہ کہنے لگے میں اور عبداللہ بن یسار مولیٰ میمونہ (رض) ابوالجہم بن الحارث بن الصمہ انصاری (رض) کے ہاں گئے ابو جہم نے بتلایا کہ جناب رسول اللہ (صلی اللہ علیہ وآلہ وسلم) بیر جمل کی طرف سے تشریف لا رہے تھے کہ ان کو ایک آدمی ملا اور اس نے آپ کو سلام کیا مگر آپ (صلی اللہ علیہ وآلہ وسلم) نے اس کے سلام کا جواب نہ دیا یہاں تک کہ آپ نے دیوار کی طرف رخ فرما کر تیمم فرمایا پھر اس کے سلام کا جواب مرحمت فرمایا۔
تخریج : بخاری فی التیمم باب ٢‘ مسلم فی الحیض ١١٤‘ ابو داؤد فی الطھارۃ باب ١٢٢ ٣٢٩‘ نسائی فی الطھارۃ باب ١٩٤‘ مسند احمد ٤؍١٦٩‘