٥٢٥١: مالک بن اوس نضری کہتے ہیں کہ حضرت عمر (رض) نے میری طرف پیغام بھیج کر فرمایا تمہاری قوم کے لوگ مدینہ منورہ میں آئے ہیں ہم نے ان کے لیے تھوڑے سے عطیے کا فیصلہ کیا ہے پس تم آ کر ان میں تقسیم کر دو ۔ میں اسی حالت میں تھا کہ آپ کا دربان یرفا ٔ آگیا اور کہنے لگا یہ عثمان ‘ عبدالرحمن ‘ سعد ‘ زبیر ‘ طلحہ (رض) آپ کے پاس حاضری کی اجازت چاہتے ہیں آپ نے فرمایا ان کو اجازت دے دو ۔ پھر ابھی ذرا سی دیر گزری تھی کہ یرفأ نے آ کر کہا یہ عباس و علی (رض) آپ کے ہاں آنے کی اجازت چاہتے ہیں انھوں نے فرمایا ان کو اجازت دے دو ۔ پس عباس (رض) نے داخل ہوتے ہی کہا اے امیرالمؤمنین میرے اور اس آدمی کے درمیان فیصلہ کر دو ۔ وہ دونوں اموال بنی نضیر سے حاصل ہونے والے مال فئی کے متعلق جھگڑ رہے تھے۔ تمام حاضرین نے کہا اے امیرالمؤمنین ان کے مابین فیصلہ فرما کر ہر ایک کو دوسرے سے راحت پہنچائیں۔ تو حضرت عمر (رض) نے دونوں کو مخاطب کر کے فرمایا میں تم دونوں کو اس اللہ کی قسم دے کر پوچھتا ہوں جس کے حکم سے آسمان و زمین قائم ہے۔ کیا تم جانتے ہو کہ جناب رسول اللہ (صلی اللہ علیہ وآلہ وسلم) نے فرمایا ہے ” لا نورث ماترکناہ صدقۃً “ دونوں نے جواب میں کہا بالکل آپ نے یہ بات فرمائی ہے پھر دوسری مرتبہ یہی بات کہی انھوں نے جواب میں نعم کہا۔ پھر فرمایا میں تمہیں اس فئی کے متعلق بتلاتا ہوں کہ اللہ تعالیٰ نے اپنے پیغمبر (صلی اللہ علیہ وآلہ وسلم) کو اس میں سے کس چیز کے ساتھ خاص کیا وہ دوسروں کو نہ دی چنانچہ فرمایا وما افاء اللہ علی رسول (الحشر : ٦) اللہ کی قسم اس مال کو اللہ تعالیٰ نے تمہارے علاوہ اور کسی کے لیے اٹھا نہیں رکھا اور نہ اس کے سلسلے میں تمہارے اوپر دوسروں کو ترجیح دی۔ آپ نے وہ مال تم پر تقسیم کردیا اور تم میں پھیلا دیا یہاں تک کہ اس میں سے یہ بچ گیا۔ آپ اس میں سے اپنے اہل کے لیے ایک سال کا خرچہ لیتے تھے۔ پھر بقیہ مال کو اللہ تعالیٰ کا مال قرار دے کر جمع کردیتے۔ اس ارشاد الٰہی : ماافاء اللہ علی رسول منہم (الحشر ٦) اس میں اس فئی کا ذکر ہے جو لوگوں کی بجائے آپ کی ملک ہے۔ یہ افتتاح کلام میں نہیں کہ جس سے ملک لازم نہ ہوتی ہو۔ پس اس سے یہ ثابت ہوا کہ فئی اور خمس غنائم سے ہیں جناب رسول اللہ (صلی اللہ علیہ وآلہ وسلم) کے زمانہ میں پانچ مواقع میں اس کو صرف کیا جاتا تھا۔ نہ اس سے کم اور نہ اس سے زیادہ۔ پس چار حصوں میں تقسیم غنائم والا قول غلط ٹھہرا۔ روایات ملاحظہ ہوں۔
تخریج : روایت لا نورث ما ترکنا صدقہ کی اسناد یہ ہیں۔ بخاری فی الخمس باب ١‘ فضائل اصحاب النبی (صلی اللہ علیہ وآلہ وسلم) باب ١٢‘ المغازی باب ١٤‘ النفقات باب ٣‘ الفرائض باب ٣‘ الاعتصام باب ٥‘ مسلم فی الجہاد ٤٩؍٥٢‘ ابو داؤد فی الامارہ باب ١٩‘ ترمذی فی السیر باب ٤٤‘ نسائی فی الفی باب ٩‘ ١٦‘ مالک فی الکلام ٢٧‘ مسند احمد ١؍٤‘ ٦٠‘ ١٦٤‘ ٢؍٤٦٣‘ ٦؍١٤٥۔
نوٹ : اس ارشاد الٰہی ماافاء اللہ علی رسولہ منہم (الحشر : ٦) اس میں اس فئی کا ذکر ہے جو لوگوں کی بجائے آپ کی ملک ہے۔ یہ افتتاح کلام میں نہیں کہ جس سے مالک لازم نہ ہوتی ہو۔
پس اس سے یہ ثابت ہوا کہ فئی اور خمس غنائم سے ہیں جناب رسول اللہ (صلی اللہ علیہ وآلہ وسلم) کے زمانہ میں پانچ مواقع میں اس کو صرف کیا جاتا تھا۔ نہ اس سے کم اور نہ اس سے زیادہ۔ پس چار حصوں میں تقسیم غنائم والا قول غلط ٹھہرا۔ روایات ملاحظہ ہوں۔