٥٢٥٨ حکم نے ابن ابی رافع مولی رسول اللہ (صلی اللہ علیہ وآلہ وسلم) سے انھوں نے اپنے والد ابو رافع (رض) سے نقل کیا جناب رسول اللہ (صلی اللہ علیہ وآلہ وسلم) نے بنو مخزوم کے ایک آدمی کو صدقہ کا عامل بنایا اس نے ابو رافع (رض) کو کہا کہ تم میرے ساتھ چلو تاکہ ہم اس میں سے اپنا حصہ پائیں۔ راوی کہتے ہیں کہ میں نے اس سے کہا میں جناب رسول اللہ (صلی اللہ علیہ وآلہ وسلم) سے اجازت حاصل کرلوں۔
تشریح چنانچہ ابو رافع (رض) جناب رسول اللہ (صلی اللہ علیہ وآلہ وسلم) کی خدمت میں اجازت کے لیے حاضر ہوئے اور اس بات کا تذکرہ کیا تو آپ نے ارشاد فرمایا۔ آل محمد کے لیے صدقہ حلال نہیں اور قوم کا غلام انہی میں سے ہوتا ہے۔
تخریج : مسند احمد ٦؍١۔