٥٢٩٧: ام حکیم یا ضباعہ بنت زبیر بن عبدالمطلب کے بیٹے نے بیان کیا کہ ان دونوں میں سے ایک نے کہا کہ جناب رسول اللہ (صلی اللہ علیہ وآلہ وسلم) کو قیدی ملے پھر میں اور میری بہن فاطمہ بنت النبی (صلی اللہ علیہ وآلہ وسلم) جناب رسول اللہ (صلی اللہ علیہ وآلہ وسلم) کی خدمت میں حاضر ہوئیں اور ہم نے (پریشانی کی) شکایت کی اور گزارش کی کہ آپ ہمیں کچھ قیدی عنایت فرما دیں۔ تو جناب نبی اکرم (صلی اللہ علیہ وآلہ وسلم) نے فرمایا تم سے بدر کے یتیم سبقت کر گئے لیکن میں تمہیں اس سے زیادہ بہتر کی راہنمائی کرتا ہوں ہر نماز کے بعد ٣٣ مرتبہ اللہ اکبر اور ٣٣ مرتبہ سبحان اللہ اور ٣٣ مرتبہ الحمد للہ اور ایک مرتبہ لاالٰہ الا اللہ وحدہ لاشریک لہ لہ الملک ولہ الحمد وہو علی کل شیٔ قدیر پڑھیں۔
عیاش راوی کہتے ہیں کہ یہ دونوں جناب رسول اللہ (صلی اللہ علیہ وآلہ وسلم) کے چچا زبیر کی بیٹیاں ہیں۔