٥٣٠٣: عبدالقیس ‘ ابو حمزہ نے ابن عباس (رض) سے روایت کی ہے کہ وفد عبدالقیس جناب رسول اللہ (صلی اللہ علیہ وآلہ وسلم) کی خدمت میں آیا اس سے ان کو معلوم ہوا کہ خمس غنیمت کی اضافت اللہ تعالیٰ نے اپنی طرف کی ہے اور چار حصے آپ کی طرف منسوب نہیں کئے اور ان کے علاوہ مال لوگوں کے لیے بلا تعیین ہے اس کو جناب رسول اللہ (صلی اللہ علیہ وآلہ وسلم) اپنی رائے کے مطابق استعمال فرمائیں گے۔ اگر یہ ذی القربیٰ مقرر ہوتے اور انہی کو دیا جاسکتا تو اس طرح نہ ہوتا۔
طحاوی (رح) فرماتے ہیں : کیا یہ جانی پہچانی بات نہیں کہ جناب رسول اللہ (صلی اللہ علیہ وآلہ وسلم) خمس لیتے تاکہ اس کی اپنی مرضی کے مطابق صرف کریں اور باقی کو دو حصوں میں بانٹ دیں اس سے یہ خود ثابت ہوگیا کہ جس کے دو حصے کئے جاتے وہ معین لوگوں کے لیے تھا کہ کسی کو یہ جائز نہ تھا کہ اس حصہ سے ان کو محروم کرے اور جس کو اپنی رائے کے مطابق صرف کرنے کے لیے رکھتے وہ متعین لوگوں کے لیے نہ تھا وہ جناب رسول اللہ (صلی اللہ علیہ وآلہ وسلم) کی طرف لوٹایا جانے والا تھا تاکہ جہاں چاہیں صرف فرمائیں۔ اس میں تین قول ہیں ایک یہ حصہ آپ کے قرابت والوں سے ہٹ کر خلفاء کے قرابت والوں کو ملے گا۔ وہ حصہ بنی ہاشم و بنو مطلب کو بعد میں بھی ملتا رہے گا۔ ان کا قول یہ ہے کہ جو حصہ جناب نبی اکرم (صلی اللہ علیہ وآلہ وسلم) کی زندگی میں اس طرح تھا کہ جس کو قرابت والوں میں پسند فرماتے عنایت فرماتے ‘ وہ حصہ وفات رسول اللہ (صلی اللہ علیہ وآلہ وسلم) سے منقطع ہوجائے گا۔ اب ان تمام اقوال پر غور کرتے ہیں تاکہ صحیح قول کو دوسرے اقوال سے الگ کیا جائے چنانچہ ہم دیکھتے ہیں کہ مال غنیمت میں سے ایک وہ منتخب حصہ ہے جس کو آپ (صلی اللہ علیہ وآلہ وسلم) اپنی زندگی میں لیتے تھے اور اہل علم کے مابین اس میں کوئی اختلاف نہیں جیسا کہ مندرجہ ذیل روایات میں وارد ہے۔
جو حصہ ذوی القربیٰ کا آپ اپنی زندگی میں دیتے رہے وفات کے بعد اس کا حکم کیا ہے ؟
اس میں تین اقوال ہیں ایک یہ حصہ آپ کے قرابت والوں سے ہٹ کر خلفاء کے قرابت والوں کو ملے گا۔
نمبر 2: وہ خاصہ بنی ہاشم و بنو مطلب بعد میں بھی ملتا رہے گا۔
نمبر 3: ان کا قول یہ ہے کہ جو حصہ جناب نبی اکرم (صلی اللہ علیہ وآلہ وسلم) کی زندگی میں اس طرح تھا کہ جس کو قرابت والوں میں پسند فرماتے عنایت فرماتے وہ حصہ وفات رسول اللہ (صلی اللہ علیہ وآلہ وسلم) سے منقطع ہوجائے گا۔
تمام اقوال پر غور :
اب ان تمام اقوال پر غور کرتے ہیں تاکہ صحیح قول کو دوسرے اقوال سے الگ کیا جائے چنانچہ ہم دیکھتے ہیں کہ مال غنیمت میں سے ایک وہ منتخب حصہ ہے جس کو آپ (صلی اللہ علیہ وآلہ وسلم) اپنی زندگی میں لیتے تھے اور اہل علم کے مابین اس میں کوئی اختلاف نہیں جیسا کہ مندرجہ ذیل روایات میں وارد ہے۔