٥٣٠٩: ابوالعلاء کہتے ہیں کہ میں مطرف کے ساتھ اونٹوں کے بازار میں مربد کے بالائی حصہ میں موجود تھا کہ ہمارے پاس ایک بدو کھال کا ٹکڑا یا تلوار کے خول کا ٹکڑا لایا۔ جریری کو اس میں شک ہے کہ کون سا ابوالعلاء نے بتلایا اور کہنے لگا کیا تم میں کوئی پڑھا لکھا ہے میں نے کہا میں پڑھ سکتا ہوں۔ اس نے کہا لو یہ پڑھو۔ یہ جناب رسول اللہ (صلی اللہ علیہ وآلہ وسلم) نے ہمیں لکھ کردیا۔ اس میں یہ لکھا تھا۔ یہ محمد نبی (صلی اللہ علیہ وآلہ وسلم) کی طرف سے بنی زہیر بن قیس کے نام ہے جو عکل کا ایک خاندان ہے۔ انھوں نے لاالٰہ الا اللہ محمد رسول اللہ کی گواہی دی ہے اور مشرکین سے جدائی اختیار کرلی ہے اور انھوں نے اپنے غنائم میں خمس کا اقرار کیا ہے اور یہ بھی اقرار کیا پیغمبر (صلی اللہ علیہ وآلہ وسلم) کا حصہ اور منتخب حصہ دیں گے وہ اللہ تعالیٰ کی امان کے سبب امن میں آنے والے ہیں۔ بعض لوگوں نے اس دیہاتی سے کہا کیا تم نے جناب رسول اللہ (صلی اللہ علیہ وآلہ وسلم) سے کوئی چیز سنی ہے اگر سنی ہے تو تم ہمیں بیان کرو ؟ اس نے کہا ہاں میں نے آپ کو کہتے سنا جس کو یہ پسند ہو کہ اس کے سینے سے بخل نکل جائے تو وہ صبر (رمضان) کے مہینہ کے روزے اور ہر ماہ کے تین روزے رکھے مجمع میں سے ایک نے کہا کیا تم نے جناب رسول اللہ (صلی اللہ علیہ وآلہ وسلم) سے یہ سنا ہے ؟ کیا تم میرے بارے میں یہ خیال کرتے ہو کہ میں جناب رسول اللہ (صلی اللہ علیہ وآلہ وسلم) کے متعلق جھوٹی بات بتاؤں گا ؟ میں آج تم سے کوئی حدیث بیان نہ کروں گا پھر اس نے وہ چمڑے کا ٹکڑا لیا اور پھر چلا گیا۔ امام طحاوی (رح) فرماتے ہیں اس بات پر تمام علماء کا اتفاق ہے کہ جناب رسول اللہ (صلی اللہ علیہ وآلہ وسلم) کے بعد یہ حصہ خلیفہ کے لیے نہیں اس لیے کہ خلیفہ اس حکم میں نبی اکرم (صلی اللہ علیہ وآلہ وسلم) کی طرح نہیں۔ پس جب خلیفۃ المسلمین اس خصوصی مال میں جو اللہ تعالیٰ نے مجاہدین کے علاوہ آپ کے ساتھ خاص کیا تو آپ کے قرابت داران خلیفہ اس کے زیادہ حقدار ہیں کہ جو قرابت نبوت کی وجہ سے آپ کے قرابت والوں کو ملتا تھا وہ اس کے مستحق نہ وہ خواہ وہ مال فئی ہو یا غنیمت۔ پس اس سے ان لوگوں کا قول باطل ہوگیا جو ذوی القربیٰ کے حصہ کو وفات نبی اکرم (صلی اللہ علیہ وآلہ وسلم) کے بعد خلیفہ کے قرابت والوں کو اس کا مستحق قرار دیتے ہیں۔ جنہوں نے یہ کہا ہے کہ یہ حصص بنو ہاشم و بنو مطلب کے ساتھ خاص ہوں گے دیگر ذوالقربیٰ کو نہ ملے گا انہی کے ساتھ یہ حصہ خاص رہے گا اس قول کا ابطال ہم پہلے کرچکے جس کو دہرانے کی چنداں حاجت نہیں ہے۔ اسی طرح یہ قول بھی باطل ہے کہ جنہوں نے یہ کہا کہ یہ فقراء قرابت داروں کو دیا جائے گا مالدروں کو نہ دیا جائے گا اور یہ عام مسلمان فقراء کا حکم رکھتے ہیں اس کا ابطال طاہر کردیا گیا دوبارہ دہرانے کی کوئی ضرورت نہیں۔ اس قول کے قائلین کہتے ہیں کہ جناب رسول اللہ (صلی اللہ علیہ وآلہ وسلم) کی مرضی پر موقوف تھا جہاں اور جس پر چاہتے خرچ کرسکتے تھے ان میں سے کوئی قرابت دار دوسرے کے مقابلے میں زیادہ استحقاق نہ رکھتا تھا اور آپ کو اپنے ذات کے لیے مال غنیمت جس کو چاہیں چننے کا اختیار تھا۔ اس کا حکم یہ ہے کہ آپ کی وفات سے یہ منقطع ہوگیا وفات کے بعد کسی کے لیے لازم نہیں ہے۔ نظر کا تقاضا یہ ہے کہ آپ کو اپنی زندگی میں اختیار تھا اپنے قرابت داروں میں سے جسے چاہیں عطا فرمائیں اور دوسروں کو چھوڑ دیں آپ کے وصال کے بعد کسی کو یہ حق حاصل نہیں تو پھر جب آپ کے وصال کے بعد کسی کے لیے اس اختیار کا ہو ان باطل ہوگیا تو آپ کی وفات کے بعد اس حصے کا آپ کے کسی قرابتدار کے لیے ہونا بھی باطل ہوگیا۔ عبداللہ بن عباس (رض) نے اس بات کا انکار کیا ہے۔
لغات : مربد۔ اونٹوں کا باڑہ۔ ادیم۔ چمڑے کا ٹکڑا۔
تخریج : نسائی فی الفئی ‘ مسند احمد ٥؍٧٨۔
قول اوّل کا ابطال : امام طحاوی (رح) فرماتے ہیں اس بات پر تمام علماء کا اتفاق ہے کہ جناب رسول اللہ (صلی اللہ علیہ وآلہ وسلم) کے بعد یہ حصہ خلیفہ کے لیے نہیں اس لیے کہ خلیفہ اس حکم میں نبی اکرم (صلی اللہ علیہ وآلہ وسلم) کی طرح نہیں۔ پس جب خلیفۃ المسلمین اس خصوصی مال میں جو اللہ تعالیٰ نے مجاہدین کے علاوہ آپ کے ساتھ خاص کیا تھا تو خلیفہ کے قرابتدار اس کے کس طرح حقدار ہوں گے جبکہ آپ کے قرابتدار آپ کی وفات کے بعد اس کے حقدار نہیں۔
پس اس سے ان لوگوں کا قول باطل ہوگیا جو ذوی القربیٰ کے حصہ کو وفات نبی اکرم (صلی اللہ علیہ وآلہ وسلم) کے بعد خلیفہ کے قرابت والوں کو اس کا مستحق قرار دیتے ہیں۔
قول ثانی کا ابطال : جنہوں نے یہ کہا ہے کہ یہ حصص بنو ہاشم و بنو مطلب کے ساتھ خاص ہوں گے دیگر ذوالقربیٰ کو نہ ملے گا انہی کے ساتھ یہ حصہ خاص رہے گا اس قول کا ابطال ہم پہلے کرچکے جس کو دہرانے کی چنداں حاجت نہیں ہے۔
قول ثالث کا ابطال : اسی طرح یہ قول بھی باطل ہے کہ جنہوں نے یہ کہا کہ یہ فقراء قرابت داروں کو دیا جائے گا مالدروں کو نہ دیا جائے گا اور یہ عام مسلمان فقراء کا حکم رکھتے ہیں اس کا ابطال طاہر کردیا گیا دوبارہ دہرانے کی کوئی ضرورت نہیں۔
قول رابع : اس قول کے قائلین کہتے ہیں کہ جناب رسول اللہ (صلی اللہ علیہ وآلہ وسلم) کی مرضی پر موقوف تھا جہاں اور جس پر چاہتے خرچ کرسکتے تھے ان میں سے کوئی قرابت دار دوسرے کے مقابلے میں زیادہ استحقاق نہ رکھتا تھا اور آپ کو اپنی ذات کے لیے مال غنیمت جس کو چاہیں چننے کا اختیار تھا۔
اس کا حکم : یہ ہے کہ آپ کی وفات سے یہ منقطع ہوگیا وفات کے بعد کسی کے لیے لازم نہیں ہے۔
نظری دلیل : نظر کا تقاضا یہ ہے کہ آپ کو اپنی زندگی میں اختیار تھا اپنے قرابت داروں میں سے جسے چاہیں عطا فرمائیں اور دوسروں کو چھوڑ دیں آپ کے وصال کے بعد کسی کو یہ حق حاصل نہیں تو پھر جب آپ کے وصال کے بعد کسی کے لیے اس اختیار کا ہونا باطل ہوگیا تو آپ کی وفات کے بعد اس حصے کا آپ کے کسی قرابتدار کے لیے ہونا بھی باطل ہوگیا۔
سوال : عبداللہ بن عباس (رض) نے اس بات کا انکار کیا ہے۔