٥٣٤٣: ابن شہاب نے حضرت انس (رض) بن مالک سے بیان کیا کہ جناب رسول اللہ (صلی اللہ علیہ وآلہ وسلم) فتح والے سال جب مکہ میں داخل ہوئے تو آپ کے سر مبارک پر خود تھا جب آپ نے اس کو اتارا تو ایک شخص آ کر عرض کرنے لگا یارسول اللہ (صلی اللہ علیہ وآلہ وسلم) ! یہ ابن خطل ہے جو کعبہ شریف کے پردوں سے لٹکا ہوا ہے آپ نے فرمایا اس کو قتل کر دو ۔
امام مالک کہتے ہیں کہ ابن شہاب نے بتلایا کہ اس دن جناب رسول اللہ (صلی اللہ علیہ وآلہ وسلم) حالت احرام میں نہ تھے۔
تخریج : بخاری فی الصید ١٨‘ والجہاد باب ١٦٩‘ والمغازی باب ٤٨‘ واللباس باب ١٧‘ مسلم فی الحج ٤٥٠‘ ابو داؤد فی الجہاد باب ١١٧‘ ترمذی فی الجہاد باب ١٨‘ نسائی فی المناسک باب ١٠٧‘ ابن ماجہ فی الجہاد باب ١٨‘ دارمی فی المناسک باب ٨٨‘ والسیر باب ٢٠‘ مالک فی الموطا ٢٤٧‘ فی الحج مسند احمد ٣؍١٠٩۔