٥٤٠٩: ابوالوضئی کہتے ہیں کہ ہم ایک پڑاؤ پر اترے تو ہمارے ایک ساتھی نے ایک شخص کو گھوڑا فروخت کیا ہم اس منزل پر ایک دن رات ٹھہرے دوسرے دن وہ شخص کھڑا ہوا اور گھوڑے پر زین کسنے لگا خریدار نے کہا تم نے یہ میرے ہاتھ فروخت کردیا ہے پھر وہ اپنا جھگڑا لے کر حضرت ابو برزہ (رض) کے پاس آئے تو انھوں نے فرمایا اگر تم پسند کرو تو میں تمہارے مابین جناب رسول اکرم (صلی اللہ علیہ وآلہ وسلم) والے فیصلے کے مطابق فیصلہ کردیتا ہوں میں نے جناب رسول اللہ (صلی اللہ علیہ وآلہ وسلم) کو فرماتے سنا آپ نے فرمایا خریدو فروخت کرنے والے کو اختیار ہے جب تک وہ ایک دوسرے سے جدا نہ ہوں اور میرے خیال میں تم ایک دوسرے جدا نہیں ہوئے۔