٥٤١٧: ابن سیرین اور خلاس بن عمرو نے حضرت ابوہریرہ (رض) سے روایت ہے کہ جناب نبی اکرم (صلی اللہ علیہ وآلہ وسلم) نے فرمایا جس شخص نے ایسی اونٹنی یا بکری خریدی جو مصراۃ تھی (جس کے تھنوں میں خریدار کو دھوکا دینے کے لیے دودھ روکا گیا ہو) تو اس کو دو باتوں میں سے ایک کا اختیار ہے یا تو اس کو رکھ لے یا اسے واپس کر دے اور اس کے ساتھ (دودھ کے بدلے) غلہ سے بھرا ہوا برتن (جس میں دودھ دوہتے ہیں) بھی دے۔
تخریج : بخاری فی البیوع باب ٦٥‘ مسلم فی البیوع ٢٣؍٢٦‘ ابو داؤد فی البیوع باب ٤٦‘ ترمذی فی البیوع باب ٢٩‘ نسائی فی البیوع باب ١٤‘ ابن ماجہ فی التجارات باب ٤٢‘ دارمی فی البیوع باب ١٩‘ مسند احمد ٢‘ ٢٤٨؍٤٨١‘ ٤؍٣١٤۔