٥٤٤٩: حمید نے حضرت انس (رض) سے انھوں نے جناب نبی اکرم (صلی اللہ علیہ وآلہ وسلم) سے روایت کی ہے کہ آپ نے کھجوروں کی بیع سرخ و زرد پڑنے سے پہلے منع فرمائی ہے میں نے انس سے سوال کیا زہو کیا ہے تو فرمایا سرخ و زرد ہونا۔ ذرا غور کرو اگر اللہ تعالیٰ نے پھل کو روک دے تو کس چیز سے تم اپنے مسلمان بھائی کا مال اپنے لیے حلال قرار دو گے۔
تخریج : بخاری فی البیوع باب ٨٥‘ مسلم فی البیوع ٥٠‘ ابو داؤد فی البیوع باب ٢٢‘ ترمذی فی البیوع باب ١٥‘ نسائی فی البیوع باب ٤‘ ابن ماجہ فی التجارات باب ٣٢‘ مسند احمد ٢؍٥۔