٥٤٦٧: نافع نے ابن عمر (رض) سے انھوں نے جناب رسول اللہ (صلی اللہ علیہ وآلہ وسلم) سے روایت کی ہے کہ آپ (صلی اللہ علیہ وآلہ وسلم) نے مزابنہ سے منع فرمایا ہے (درخت پر لگے ہوئے پھل کی بیع خشک توڑی کھجور کے بدلے کیل سے کرنا مزابنہ کہلاتا ہے) ابن عمر (رض) کہتے ہیں کہ زید بن ثابت (رض) نے مجھے بتلایا کہ جناب رسول اللہ (صلی اللہ علیہ وآلہ وسلم) نے عرایا کی رخصت دی ہے۔
تخریج : بخاری فی البیوع باب ٧٥‘ ٨٢‘ مسلم فی البیوع ٥٩؍٦٧‘ ٧٢؍٧٣‘ ابو داؤد فی البیوع باب ٣١؍٣٣‘ ترمذی فی البیوع باب ١٤؍٥٥‘ نسائی فی الایمان باب ٤٥‘ ابن ماجہ فی التجارات ٥٤‘ دارمی فی المقدمہ باب ٢٨‘ مسند احمد ٢‘ ٥؍٧‘ ٣‘ ١٦؍٨۔