٥٥٤٣: عمرو بن عثمان نے اسامہ بن زید (رض) سے نقل کیا ہے کہ انھوں نے جناب رسول اللہ (صلی اللہ علیہ وآلہ وسلم) سے دریافت کیا یارسول اللہ (صلی اللہ علیہ وآلہ وسلم) ! آپ مکہ میں اپنے گھر تشریف لے جائیں گے تو آپ نے فرمایا کیا عقیل نے ہمارے لیے کوئی رہائش اور مکان چھوڑا ہے۔ عقیل اور طالب ابو طالب کے وارث بنے جبکہ حضرت جعفر اور علی (رض) وارث نہیں ہوئے کیونکہ یہ دونوں مسلمان تھے اور عقیل و طالب کافر تھے (بعد میں عقیل اسلام لائے) اسی لیے حضرت عمر (رض) فرماتے مؤمن کافر کا وارث نہیں بن سکتا۔
تخریج : بخاری فی الحج باب ٤٤‘ مسلم فی الحج ٤٣٩‘ ابن ماجہ فی الفرائض باب ٦۔