٥٥٤٧: یوسف بن ماھک نے اپنی والدہ سے روایت کی ہے کہ جو حضرت عائشہ (رض) کی خدمت کرتی تھیں انھوں نے حضرت عائشہ (رض) سے اسی طرح کی روایت کی ہے۔ یوسف کہتے ہیں کہ میں نے اپنی ماں سے سے سوال کیا کہ حضرت عائشہ (رض) کا مکان جناب رسول اللہ (صلی اللہ علیہ وآلہ وسلم) کی وفات کے بعد وہ مجھے دے دیں تو میری والدہ کو حضرت عائشہ (رض) نے فرمایا وہ جگہ میں نہ تیرے لیے جائز سمجھتی ہوں اور نہ اپنے گھر والوں میں سے کسی کے لیے (مراد منیٰ میں خیمہ والی جگہ) امام طحاوی (رح) کہتے ہیں : یہ حکم ان تمام مقامات کا ہے جو تمام لوگوں کے لیے برابر ہیں کہ ان پر کسی کا ملکیت والا حق نہیں مگر مکہ مکرمہ کا حکم اس کے خلاف ہے اس میں عمارات کی تعمیر درست ہے جناب رسول اللہ (صلی اللہ علیہ وآلہ وسلم) نے فتح مکہ کے دن فرمایا جو ابو سفیان کے گھر میں داخل ہوا اس کو امن ہے اور جو اپنے گھر کا دروازہ بند کرلے اس کو امن ہے۔
تخریج : مسلم فی الجہاد ٨٦‘ ابو داؤد فی الامارہ باب ٢٥۔