٥٥٧٧: سالم بن عبداللہ نے ابو رافع (رض) سے روایت کی ہے۔ کہ جناب رسول اللہ (صلی اللہ علیہ وآلہ وسلم) نے مجھے کتوں کے قتل کا حکم فرمایا۔ تو میں ان کو قتل کرنے نکلا۔ جس کتے پر نظرپڑتی اس کو میں قتل کردیتا یہاں تک کہ میں فلاں جگہ پہنچا انھوں نے جگہ کا نام لیا اس میں ایک کتا پایا جو ایک گھر کے گرد گھوم رہا تھا پس میں اس کو قتل کرنے لگا تو گھر کے اندر سے مجھے ایک انسانی آواز سنائی دی۔ اے اللہ کے بندے ! تم کیا کرنا چاہتے ہو ؟ میں نے کہا میں اس کتے کو مارنا چاہتا ہوں۔ وہ کہنے لگی میں ایک ہلاکت والے گھر میں رہتی ہوں یہ کتا درندوں اور ایذاء دینے والی اشیاء سے حفاظت کرتا ہے۔ (میں نے اس کو چھوڑ دیا) اور جناب نبی اکرم (صلی اللہ علیہ وآلہ وسلم) کی خدمت میں آیا اور اس کا تذکرہ کیا تو آپ نے مجھے اس کے قتل کا حکم فرمایا۔
تخریج : مسند احمد ٦؍٣٩١۔
لغات : المضیعۃ۔ ضائع ہونے کی جگہ۔ جوف۔ اندر۔ یطرد۔ دفاع کرنا۔