٥٦٠٨: عطاء بن یسار نے ابو رافع (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے ایک شخص سے نوعمر اونٹ بطور قرض لیا جب آپ کے پاس صدقے کے اونٹ آئے تو حضرت ابو رافع کو حکم دیا کہ اس آدمی کو نو عمر اونٹ واپس کر دو ۔ ابو رافع دوبارہ حاضر ہوئے اور عرض کیا کہ میں ان میں سے بہتر سات سالہ اونٹ ہی پاتا ہوں آپ نے فرمایا وہی دے دو ۔ بہترین لوگ وہ ہیں جو احسن طریقے پر قرض ادا کرتے ہیں۔
تخریج : مسلم فی المساقاۃ ١١٨‘ ابو داؤد فی البیوع باب ٧٣‘ نسائی فی البیوع باب ٦٤‘ دارمی فی البیوع باب ٣١‘ مالک فی البیوع ٨٩۔