٥٦٥: خالد بن عبدالرحمن نے نقل کیا کہ حماد بن سلمہ نے عمرو سے اسی طرح کی روایت نقل کی ہے۔ کیا تم نہیں دیکھتے جب نبی اکرم (صلی اللہ علیہ وآلہ وسلم) سے دریافت کیا گیا کہ کیا آپ وضو نہیں فرمائیں گے ؟ آپ نے ارشاد فرمایا جب میں نماز کا ارادہ کرتا ہوں تو وضو کرتا ہوں۔ پس آپ نے بتایا کہ وضو نماز کے لیے کیا جاتا ہے ذکر کے لیے ضرورت نہیں۔ یہ روایت اس باب کی ابتداء میں آنے والی روایت ابن عباس (رض) کے خلاف ہے اور یہ اس سے اولیٰ ہے جس کی دلیل یہ ہے کہ اس پر ابن عباس (رض) نے جناب رسول اللہ (صلی اللہ علیہ وآلہ وسلم) کی وفات کے بعد عمل کیا پس ان کے عمل سے یہ واضح دلالت مل گئی کہ پہلے والی روایت منسوخ ہے۔ اگر کوئی اس پر اعتراض میں یہ روایت پیش کرے۔
تخریج : ابو داؤد الطیاسی ٣٦١‘ طبرانی فی الکبیر ١٢؍٦٤
حاصل کلام : یہ روایات ابن عباس (رض) ان کی پہلی روایت کے نسخ کی کافی دلیل ہیں۔
ایک اشکال کا جائزہ :
اگر کوئی اس روایت کو ذکر کر کے کہے کہ آپ (صلی اللہ علیہ وآلہ وسلم) تو جب بیت الخلاء سے فارغ ہوتے تو نماز والا وضو فرماتے اس روایت سے وہ روایت متضاد ہے جو تم حضرت عائشہ (رض) سے بیان کرتے ہو کہ جناب رسول اللہ (صلی اللہ علیہ وآلہ وسلم) اللہ تعالیٰ کو ہر وقت یاد کرتے تھے۔
روایت یہ ہے :