٥٦٦١: ابو رافع کہتے ہیں کہ میرے پاس سے عمر (رض) کا گزر ہوا۔ ان کے پاس چاندی تھی تو انھوں نے کہا ہماری ایک بچی کے لیے زیور بنادو ۔ میں نے کہا اے امیرالمؤمنین میرے پاس استعمال شدہ زیور ہیں اگر تم پسند کرو تو چاندی لے کر زیور دے دو ۔ عمر (رض) کہنے لگے برابر برابر میں نے کہا جی ہاں چنانچہ انھوں نے چاندی کو ایک پلڑے میں رکھا اور دوسرے میں زیورات رکھے جب وزن برابر ہوگیا تو ایک ہاتھ سے زیور لے لیا اور دوسرے سے چاندی دے دی۔