٥٦٩٢: مروان بن حکم نے بیان کیا کہ حضرت عمر (رض) نے فرمایا جس نے صلہ رحمی کے لیے کوئی ہبہ کیا یا بطور صدقہ ہبہ کیا وہ اس میں رجوع نہ کرے اور جس نے اس لیے ہبہ کیا کہ اس سے مقصود صرف حصول ثواب تھا۔ تو وہ اپنے ہبہ کے بارے میں اختیار رکھتا ہے اگر وہ اس کو اس کے ہاں پسند نہ کرے تو لوٹا لے۔ یہ حضرت عمر (رض) ہیں جنہوں نے ہبہ اور صدقہ میں تفریق کردی۔ صدقات کو نہ لوٹانے والا قرار دیا اور عطیات کے متعلق دو قسمیں کردیں۔
نمبر ١ جو صرف صلہ رحمی کی خاطر ہو تو صدقات کے حکم میں رکھا جائے گا اور ہبہ کرنے والا ان کو لوٹا نہیں سکتا۔
نمبر ٢ اگر واہب اس کے استعمال پر خوش نہ ہو تو اس کو واپس کرسکتا ہے۔