٥٧٠٩: شعبی کہتے ہیں کہ میں نے حضرت نعمان بن بشیر (رض) کو فرماتے سنا میرے والد نے مجھے عطیہ عنایت فرمایا میری والدہ عمرہ بنت رواحہ نے کہا میں تو اس کو اس وقت پسند کروں گی جب کہ تم جناب رسول اللہ (صلی اللہ علیہ وآلہ وسلم) کو اس پر گواہ بناؤ۔ وہ جناب رسول اللہ (صلی اللہ علیہ وآلہ وسلم) کی خدمت میں آئے اور کہا میں نے اپنی بیوی عمرہ کے بیٹے کو عطیہ دیا ہے اور میں اس پر آپ کو گواہ بناتا ہوں آپ نے فرمایا کیا تم نے اپنے تمام بیٹوں کو اسی طرح کا عطیہ دیا ہے میں نے کہا نہیں تو آپ نے فرمایا اللہ تعالیٰ سے ڈرو اور اپنی اولاد کے مابین برابری کرو۔ اس روایت میں بھی یہ موجود نہیں کہ جناب رسول اللہ (صلی اللہ علیہ وآلہ وسلم) نے اس عطیہ کو واپس لینے کا حکم فرمایا ہو بلکہ اس میں صرف برابری کا حکم فرمایا ہے۔
تخریج : بخاری فی الہبہ باب ١٢‘ مسلم فی الہبات ١٣‘ نسائی فی النحل باب ١‘ مسنداحمد ٤؍٢٧٥۔
اس روایت میں بھی یہ موجود نہیں کہ جناب رسول اللہ (صلی اللہ علیہ وآلہ وسلم) نے اس عطیہ کو واپس لینے کا حکم فرمایا ہو بلکہ اس میں صرف برابری کا حکم فرمایا ہے۔