٥٧١٨: صالح بن ابراہیم بن عبدالرحمن (رض) نے اولاد کو عطیات تقسیم فرمائے تو امّ کلثوم کی اولاد کو فضیلت دی۔ یہ حضرت ابوبکر صدیق (رض) ہیں جنہوں نے حضرت عائشہ (رض) کو عطیہ دیا اور باقی اولاد کو چھوڑ دیا اور اس کو جائز قرار دیا اور امّ المؤمنین نے بھی اسی طرح خیال فرمایا اور کسی صحابی (رض) نے بھی اعتراض نہیں کیا (جبکہ ان کے بیٹے پوتے صحابی ہیں) یہ عبدالرحمن بن عوف (رض) ہیں جنہوں نے اولاد کے عطیات میں بعض کو بعض پر فضیلت دی اس پر کسی نے اعتراض نہ کیا اب یہ کسی اور کے لیے کس طرح درست ہے کہ وہ ان حضرات کے عمل کو جناب رسول اللہ (صلی اللہ علیہ وآلہ وسلم) کے ارشاد گرامی کے مخالف قرار دے۔ ہمارے نزدیک تو جناب رسول اللہ (صلی اللہ علیہ وآلہ وسلم) کے ارشاد گرامی سے اس کا استحباب مراد ہے گھر والوں میں عطیات کی تقسیم میں برابری کرنا اور آزاد کو غلام پر فضیلت دینا اگر ترک کردیا جائے تو یہ ترک مستحب ہے یہ نہیں کہ ناجائز ہے بلکہ یہ مستحب ہے اور دوسرا طریقہ جائز ہے۔ اس میں ہمارے علماء کا اختلاف ہے کہ حضرت بشیر (رض) کو آپ نے جو حکم دیا تو وہ کس طرح ہے ؟ لڑکوں اور لڑکیوں کے مابین برابری کی جائے۔ وراثت کے حساب سے ١: ٢ کے ساتھ تقسیم کیا جائے۔ امام طحاوی (رح) فرماتے ہیں کہ آپ (صلی اللہ علیہ وآلہ وسلم) کا ارشاد کہ ان کے مابین برابری کرو جیسے تم چاہتے ہو کہ وہ تمہارے لیے خیر میں مساوات قائم کریں یہ اس بات کی دلیل ہے کہ آپ نے لڑکوں اور لڑکیوں کے درمیان برابری کا ارادہ فرمایا۔ اس لیے کہ بیٹی سے بھی وہی بھلائی چاہی جاتی ہے جو بیٹے سے مقصود ہوتی ہے تو جب جناب نبی اکرم (صلی اللہ علیہ وآلہ وسلم) نے باپ سے بیٹے کے لیے اس چیز کا ارادہ فرمایا جس کا وہ اپنے بیٹے کے لیے ارادہ کرتا تھا اور وہ بیٹی سے جو بھلائی چاہتا ہے وہ اس کی مثل ہے جو بیٹے سے چاہتا ہے تو آپ نے عطیات کے سلسلہ میں لڑکی کے لیے اس چیز کا ارادہ فرمایا جس کا لڑکے کے لیے فرمایا اور ابوالضحیٰ کی روایت میں ہے کہ جناب رسول اللہ (صلی اللہ علیہ وآلہ وسلم) نے دریافت فرمایا تمہاری اور کوئی اولاد ہے انھوں نے عرض کیا جی ہاں۔ تو آپ نے فرمایا۔ تو ان کے مابین مساوات قائم کرو۔ آپ نے یہ نہیں پوچھا کہ اس کے علاوہ تمہارا کوئی بیٹا بیٹی ہے اور یہ بات اس صورت میں (یعنی مرد و عورت کا فرق) دریافت کیے بغیر یہ بات ظاہر کرتی ہے کہ بیٹی اور بیٹے کا حکم ایک جیسا ہے۔ اگر یہ بات نہ ہوتی تو آپ اس وقت تک برابری کا ذکر نہ فرماتے جب تک آپ کو علم نہ ہوجاتا کہ وہ تمام لڑکے ہیں جب آپ اس بحث میں نہ پڑے تو ثابت ہوا کہ آپ کے نزدیک ان سب کا حکم ایک جیسا ہے۔ ہمارے نزدیک امام محمد (رح) کے قول کی بنسبت یہ قول زیادہ اچھا ہے۔ جناب رسول اللہ (صلی اللہ علیہ وآلہ وسلم) سے اس مفہوم پر دلالت کرنے والی روایت بھی مروی ہے۔
یہ حضرت ابوبکر صدیق (رض) ہیں جنہوں نے حضرت عائشہ (رض) کو عطیہ دیا اور باقی اولاد کو چھوڑ دیا اور اس کو جائز قرار دیا اور امّ المؤمنین نے بھی اسی طرح خیال فرمایا اور کسی صحابی (رض) نے بھی اعتراض نہیں کیا (جبکہ ان کے بیٹے پوتے صحابی ہیں) یہ عبدالرحمن بن عوف (رض) ہیں جنہوں نے اولاد کے عطیات میں بعض کو بعض پر فضیلت دی اس پر کسی نے اعتراض نہ کیا اب کسی اور کیلئے کس طرح درست ہے کہ وہ ان حضرات کے عمل کو رسول اللہ (صلی اللہ علیہ وآلہ وسلم) کے ارشاد گرامی کے مخالف قرار دے۔
ہمارے نزدیک تو جناب رسول اللہ (صلی اللہ علیہ وآلہ وسلم) کے ارشاد گرامی سے اس کا استحباب مراد ہے گھر والوں میں عطیات کی تقسیم میں برابری کرنا اور آزاد کو غلام پر فضیلت دینا اگر ترک کردیا جائے تو یہ ترک مستحب ہے یہ نہیں کہ ناجائز ہے بلکہ یہ مستحب ہے اور دوسرا طریقہ جائز ہے۔
احناف کے اقوال میں اختلاف :
اس میں ہمارے علماء کا اختلاف ہے کہ حضرت بشیر (رض) کو آپ نے جو حکم دیا تو کس طرح ہے ؟
امام ابو یوسف (رح) : لڑکوں اور لڑکیوں کے مابین برابری کی جائے۔
امام محمد (رح) : وراثت کے حساب سے ١: ٢ کے ساتھ تقسیم کیا جائے۔
امام طحاوی (رح) کا قول : آپ (صلی اللہ علیہ وآلہ وسلم) کا ارشاد کہ ان کے مابین برابری کرو جیسے تم چاہتے ہو کہ وہ تمہارے لیے خیر میں مساوات قائم کریں یہ اس بات کی دلیل ہے کہ آپ نے لڑکوں اور لڑکیوں کے درمیان برابری کا ارادہ فرمایا۔ اس لیے کہ بیٹی سے بھی وہی بھلائی چاہی جاتی ہے جو بیٹے سے مقصود ہوتی ہے تو جب جناب نبی اکرم (صلی اللہ علیہ وآلہ وسلم) نے باپ سے بیٹے کے لیے اس چیز کا ارادہ فرمایا جس کا وہ اپنے بیٹے کے لیے ارادہ کرتا تھا اور وہ بیٹی سے جو بھلائی چاہتا ہے وہ اس کی مثل ہے جو بیٹے سے چاہتا ہے تو آپ نے عطیات کے سلسلہ میں لڑکی کے لیے اس چیز کا ارادہ فرمایا جس کا لڑکے کے لیے فرمایا۔
اور ابوالضحیٰ کی روایت میں ہے کہ جناب رسول اللہ (صلی اللہ علیہ وآلہ وسلم) نے دریافت فرمایا تمہاری اور کوئی اولاد ہے انھوں نے عرض کیا جی ہاں۔ تو آپ نے فرمایا۔ تو ان کے مابین مساوات قائم کرو۔ آپ نے یہ نہیں پوچھا کہ اس کے علاوہ تمہارا کوئی بیٹا بیٹی ہے اور یہ بات اس صورت میں ہوسکتی ہے (یعنی مرد و عورت کا فرق) کئے بغیر دریافت ظاہر کرتی ہے کہ بیٹی اور بیٹے کا حکم ایک جیسا ہے۔ اگر یہ بات نہ ہوتی تو آپ اس وقت تک برابری کا ذکر نہ فرماتے جب تک آپ کو علم نہ ہوجاتا کہ وہ تمام لڑکے ہیں جب آپ اس بحث میں نہ پڑے تو ثابت ہوا کہ آپ کے نزدیک ان سب کا حکم ایک جیسا ہے۔ ہمارے نزدیک امام محمد (رح) کے قول کی بنسبت یہ قول زیادہ اچھا ہے۔
جناب رسول اللہ (صلی اللہ علیہ وآلہ وسلم) سے اس مفہوم پر دلالت کرنے والی روایت بھی مروی ہے۔