٥٧٦٣: مصعب بن ثابت نے عطاء بن ابی رباح (رح) سے نقل کیا کہ ایک آدمی نے گھوڑا بطور رہن لیا وہ مرتہن کے پاس مرگیا جناب رسول اللہ (صلی اللہ علیہ وآلہ وسلم) نے فرمایا تیرا حق (قرض) جاتا رہا۔ اب رسول اللہ (صلی اللہ علیہ وآلہ وسلم) کے فرمان سے دلالت مل گئی کہ رہن کے ضائع ہونے سے قرض باطل ہوجاتا ہے۔ اگر معترض کہے کہ یہ منقطع روایت ہے۔ (استدلال کیسے درست ہے) ان کو جواب دیا جائے گا کہ آپ نے جو تاویل کی وہ بھی منقطع ہے اگر تمہاری منقطع ہمارے خلاف حجت ہے تو یہ منقطع ہماری طرف سے تمہارے خلاف حجت ہے۔ ایک دوسری سند سے یہی روایت مروی ہے۔
حاصل روایت : جناب رسول اللہ (صلی اللہ علیہ وآلہ وسلم) کے فرمان سے دلالت مل گئی رہن کے ضائع ہونے سے قرض باطل ہوجاتا ہے۔
ایک اعتراض :
یہ منقطع روایت ہے۔ (استدلال کیسے درست ہے) جواب : آپ نے جو تاویل کی وہ بھی منقطع ہے اگر تمہاری منقطع ہمارے خلاف حجت ہے تو یہ منقطع ہماری طرف سے تمہارے خلاف حجت ہے۔
ایک دوسری سند سے یہی روایت : ایک دوسرے سند سے یہی روایت مروی ہے۔