٥٩١: اوس بن ابی اوس (رض) سے روایت ہے کہ میں اپنے والد کے ساتھ سفر میں تھا ہم ایک تالاب کے پاس اترے انھوں نے پیشاب سے فراغت حاصل کی پھر وضو کیا اور اپنے نعلین پر مسح کیا میں نے کہا کیا آپ نعلین پر مسح کرتے ہیں انھوں نے کہا میں اس فعل میں اضافہ نہیں کررہا جس پر میں نے جناب رسول اللہ (صلی اللہ علیہ وآلہ وسلم) کو دیکھا۔ امام طحاوی (رح) فرماتے ہیں بعض علماء کا خیال یہ ہے کہ جس طرح موزوں پر مسح کیا جاتا ہے اسی طرح جوتوں پر بھی مسح کیا جائے گا اور اس کی دلیل کے طور پر انھوں نے کہا اس بات کی تائید حضرت علی (رض) کی مندرجہ ذیل روایت سے ہوتی ہے۔
تخریج : طبرانی ١؍٢٢٢‘ مسند احمد ٤؍١٠۔