٥٩٣٢: یزید مولیٰ منبعث نے زید بن خالد جہنی (رض) سے روایت کی ہے جناب رسول اللہ (صلی اللہ علیہ وآلہ وسلم) سے سونے چاندی اور چاندی کے ڈھلے ہوئے ٹکڑے کے متعلق سوال ہوا کہ وہ اگر گری پڑی ملے تو فرمایا اس کے بندھن اور سربند کو اچھی طرح پہچان لو۔ پھر ایک سال تک تشہیر کرو اگر مالک معلوم نہ ہو تو اس کو استعمال کرلو۔ اور وہ تیرے پاس بطور امانت ہونی چاہیے۔ اگر کبھی اس کا مالک آجائے تو اس کو واپس کر دو ۔ پھر ہم نے روایت میں اونٹ بکری کا تذکرہ روایت یونس کی طرح کیا ہے۔
تخریج : بخاری فی الطلاق باب ٢٢‘ والادب باب ٢‘ ٣‘ مسلم فی اللقطہ ١‘ ٢‘ ٥‘ ٦‘ ابو داؤد فی اللقطہ باب ١‘ ترمذی فی الاحکام باب ٣٥‘ ابن ماجہ فی اللقطہ باب ١؍٢‘ مالک فی الاقضیہ ٤٦‘ مسند احمد ٤؍١١٦‘ ٥؍١٩٣۔