٥٩٤١: سوید بن غفلہ نے حضرت ابی بن کعب (رض) سے روایت کی ہے کہ میں نے جناب رسول اللہ (صلی اللہ علیہ وآلہ وسلم) کے زمانہ میں سو دینار گرے پڑے پائے۔ تو میں جناب رسول اللہ (صلی اللہ علیہ وآلہ وسلم) کی خدمت میں حاضر ہوا اور میں نے اس کا تذکرہ کیا تو آپ نے مجھے ارشاد فرمایا ایک سال تک اس کا اعلان کرو۔ پس میں نے ایک سال تک اس کا اعلان کیا پھر میں جناب رسول اللہ (صلی اللہ علیہ وآلہ وسلم) کی خدمت میں آیا اور میں نے کہا میں نے ایک سال بھر اس کا اعلان کیا مگر کوئی اس کا پہچاننے والا نہیں ملا۔ تو آپ نے مجھے فرمایا اس کو ایک سال تک مشہور کرو پس میں نے ایک سال تک اعلان کیا تو میں نے کسی کو بھی نہ پایا جو اس کا پہچاننے والا ہو۔ پھر میں جناب رسول اللہ (صلی اللہ علیہ وآلہ وسلم) کی خدمت میں آیا اور میں نے کہا میں نے اس کو ایک سال تک مشہور کیا ہے مگر میں نے اس کا پہچاننے والا نہیں پایا آپ نے پھر فرمایا۔ اس کو ایک سال اور مشہور کرو۔ پس میں نے ایک سال اور اعلان کیا مگر اس کا کوئی مالک نہ آیا تو آپ نے مجھے فرمایا اس کی گنتی اچھی طرح جان لو اور اس کا سر بنو ‘ پہچان لو پھر اس سے فائدہ اٹھاؤ۔
تخریج : بخاری فی العلم باب ٢٨‘ واللقطہ باب ٢؍٣‘ ٤؍٩‘ مسلم فی اللقطہ ١‘ ٥‘ ٢‘ ٧‘ ابو داؤد فی اللقطہ باب ١‘ نسائی فی الزکوۃ باب ٢٨‘ مالک فی الاقضیہ ٤٦‘ مسند احمد ٥‘ ١٢٦؍١٢٧۔
حضرت عمر (رض) کی روایت :