٥٩٤٣: بشر بن سعید نے زید بن خالد جہنی (رض) سے روایت کی ہے کہ جناب رسول اللہ (صلی اللہ علیہ وآلہ وسلم) سے لقطہ کے متعلق سوال کیا گیا تو آپ نے فرمایا اس کی ایک سال تشہیر کرو۔ اگر اس کا متلاشی آجائے تو اس کو دے دو ورنہ اس کا سربند پہچان لو اور اس کا بندھن جان لو۔ اگر متلاشی آجائے تو متلاشی کے حوالہ کر دو ۔ اس میں غور فرمائیں کہ جناب نبی اکرم (صلی اللہ علیہ وآلہ وسلم) نے اس کے اٹھانے پر ڈانٹ نہیں پلائی اور حضرت ابی (رض) نے کوڑا اٹھانے والے کے عمل کی تصویب فرمائی تاکہ مالک کے لیے اس کو محفوظ کرلیا جائے اور درندوں کے لیے اس کو نہ چھوڑا جائے اور حضرت عمر (رض) نے روایت سفیان میں سفیان کو فرمایا یہ تیری ہے اور جناب رسول اللہ (صلی اللہ علیہ وآلہ وسلم) نے ہمیں اسی کا حکم فرمایا پھر جب سفیان نے لینے سے انکار کیا تو آپ نے اس کو مسلمانوں کے بیت المال میں رکھ دیا۔ جناب رسول اللہ (صلی اللہ علیہ وآلہ وسلم) نے لقطہ اور گمشدہ کو لینے کی اجازت دی تاکہ اس کو محفوظ کیا جائے۔ اصحاب رسول اللہ (صلی اللہ علیہ وآلہ وسلم) سے بھی اس سلسلہ میں روایات وارد ہیں۔
تخریج : ابو داؤد فی اللقطہ باب ١‘ مسند احمد ٥؍١٩٣۔
اس سلسلہ میں اصحاب رسول اللہ (صلی اللہ علیہ وآلہ وسلم) سے دیگر روایات :