٥٩٥٢: ابو وائل کہتے ہیں کہ عبداللہ (رض) نے سات سو درہم میں ایک خادم خریدا اس کے مالک کا گھر ڈھونڈا مگر وہ نہ ملا تو آپ نے ایک سال تک اعلان کرایا مگر وہ نہ ملا پس آپ نے مساکین کو جمع کیا اور ان کو وہ رقم دینے لگے اور فرماتے جاتے اے اللہ یہ اس کے مالک کی طرف سے ہے اگر وہ اس سے انکار کرے تو میری طرف سے ہے اور مجھ پر اس کی قیمت ہے پھر فرمایا گمشدہ چیزوں کے متعلق یہ عمل کیا جاتا ہے۔ اس سلسلہ میں ہم نے جناب رسول اللہ (صلی اللہ علیہ وآلہ وسلم) سے روایت کی اور جن صحابہ کرام سے روایت کی ہے اس سے معلوم ہوتا ہے کہ گری پڑی اور گمشدہ چیز کا حکم ایک جیسا ہے۔ پس اس سے یہ دلالت مل گئی کہ اس سلسلہ کی روایات جن میں ان دونوں میں سے ایک کا حکم مذکور ہے تو وہ دوسری کے متعلق بھی ہے اور اس سلسلہ میں دونوں کے حکم میں فرق نہیں ہے۔ گمشدہ تو ہر اس ذی روح کو کہا جاتا ہے جو خود گم ہو اور گری پڑی چیز بےجان سازوسامان ہے (تو دونوں کے حکم میں یکسانیت کیسے ؟ ) آپ کا یہ قول لغت کے خلاف ہے گمشدہ کا لفظ ہر جاندار و بےجان پر بولا جاتا ہے حدیث افک میں جناب رسول اللہ (صلی اللہ علیہ وآلہ وسلم) نے فرمایا ” ان امکم قد اضلت قلادتہا “ تو ہار پر یہ لفظ وارد ہوا اور حضرت عائشہ (رض) سے مروی ہے ضالہ اور لقطہ کا حکم تمام حالتوں میں ایک جیسا ہے۔ روایت ملاحظہ ہو۔
حاصل کلام : اس سلسلہ میں ہم نے جناب رسول اللہ (صلی اللہ علیہ وآلہ وسلم) سے روایت کی اور جن صحابہ کرام سے روایت کی ہے اس سے معلوم ہوتا ہے کہ گری پڑی اور گمشدہ چیز کا حکم ایک جیسا ہے۔
پس اس سے یہ دلالت مل گئی کہ اس سلسلہ کی روایات جن میں ان دونوں میں سے ایک کا حکم مذکور ہے تو وہ دوسری کے متعلق بھی ہے اور اس سلسلہ میں دونوں کے حکم میں فرق نہیں ہے۔
ایک اعتراض :
گمشدہ تو ہر اس ذی روح کو کہا جاتا ہے جو خود گم ہو اور گری پڑی چیز بےجان سازوسامان ہے (تو دونوں کے حکم میں یکسانیت کیسے ؟ )
جواب : آپ کا یہ قول لغت کے خلاف ہے گمشدہ کا لفظ ہر جاندار و بےجان پر بولا جاتا ہے حدیث افک میں جناب رسول اللہ (صلی اللہ علیہ وآلہ وسلم) نے فرمایا ” ان امکم قد اضلت قلادتہا “ تو ہار پر یہ لفظ وارد ہوا اور حضرت عائشہ (رض) سے مروی ہے ضالہ اور لقطہ کا حکم تمام حالتوں میں ایک جیسا ہے۔ روایت ملاحظہ ہو۔