٥٩٧٧: علقمہ بن وائل نے اپنے والد سے روایت کی ہے کہ حضر موت کا ایک شخص اور ایک کندی شخص جناب رسول اللہ (صلی اللہ علیہ وآلہ وسلم) کے پاس آئے حضرمی نے کہا۔ یارسول اللہ (صلی اللہ علیہ وآلہ وسلم) اس نے میری زمین پر قبضہ جما لیا ہے۔ کندی نے کہا۔ وہ میری زمین ہے جو میرے قبضہ میں ہے میں اس کو کاشت کرتا ہوں اس کا اس میں کچھ بھی حق نہیں ہے۔
جناب رسول اللہ (صلی اللہ علیہ وآلہ وسلم) نے فرمایا۔ اے حضرمی ! تم گواہ رکھتے ہو۔ اس نے کہا نہیں جناب نبی اکررم (صلی اللہ علیہ وآلہ وسلم) نے فرمایا تم اس سے قسم لے لو۔ حضرمی نے کہا اس کی قسم کا اعتبار نہیں۔
جناب نبی اکرم (صلی اللہ علیہ وآلہ وسلم) نے فرمایا تمہارے لیے اس کی طرف سے یہی ہوسکتا ہے۔ وہ کندی قسم اٹھانے لگا تو جناب رسول اللہ (صلی اللہ علیہ وآلہ وسلم) نے اس کو فرمایا سنو ! اگر یہ تمہارے مال کے متعلق اس کو ظلماً کھا جانے کے لیے (جھوٹی) قسم اٹھائے گا تو وہ اللہ تعالیٰ سے اس حالت میں ملے گا وہ اس سے منہ موڑنے والا ہوگا۔
تخریج : مسلم فی الایمان ٢٢٣‘ ابو داؤد فی الایمان باب ١‘ والاقضیہ باب ٢٦‘ ترمذی فی الاحکام باب ١٢۔