٥٩٩٧: ابو عثمان نہدی کہتے ہیں کہ ایک آدمی حضرت عمر (رض) کی خدمت میں آیا اور اس نے حضرت مغیرہ (رض) کے متعلق گواہی دی تو اس کی بات سن کر حضرت عمر (رض) کا رنگ بدل گیا پھر دوسرا آیا اور اس نے گواہی دی تو حضرت عمر (رض) کا رنگ بدل گیا۔ پھر ایک اور آیا اور اس نے گواہی دی تو حضرت عمر (رض) کا رنگ بدل گیا۔ یہاں تک کہ اس کا اثر آپ کے چہرہ پر معلوم ہونے لگا آپ اس بات کو انوکھا خیال کیا اور ایک اور شخص آیا جو اپنے ہاتھوں کو حرکت دے رہا تھا آپ نے فرمایا اے سزا کو کھینچ کر دور کرنے والے تیرے پاس کیا خبر ہے۔ ابو عثمان راوی نے زور سے چیخ ماری جو حضرت عمر (رض) کی چیخ کے مشابہہ تھی یہاں تک کہ مجھے بیہوشی کا خطرہ ہوا۔ وہ کہنے لگا میں نے ایک بری بات دیکھی ہے حضرت عمر (رض) نے کہا الحمدللہ اللہ کا شکر ہے جس نے شیطان کو جناب رسول اللہ (صلی اللہ علیہ وآلہ وسلم) کی امت پر خوش ہونے کا موقع نہیں دیا۔ پھر اس گروہ کو کوڑے مارنے کا حکم دیا چنانچہ ان لوگوں کو کوڑے لگائے گئے۔