٦٠١٣: ابن المنکدر نے حضرت جابر بن عبداللہ (رض) سے روایت کی ہے کہ ایک آدمی جناب رسول اللہ (صلی اللہ علیہ وآلہ وسلم) کی خدمت میں آیا اور کہنے لگا میرے پاس مال اور عیال ہیں اور میرے والد کے بھی عیال اور مال ہے اور وہ میرا مال اپنے مال کے ساتھ ملانا چاہتا ہے تو جناب رسول اللہ (صلی اللہ علیہ وآلہ وسلم) نے فرمایا تم اور تمہارا مال تمہارے باپ کا ہے۔
تخریج : ابن ماجہ فی التجارات باب ٦٤‘ مسند احمد ٢‘ ١٧٩؍٢٠٤‘ ٢١٤۔
علماء کی ایک جماعت کا قول یہ ہے کہ جو بیٹا کمائے وہ تمام والد کا ہے ۔
فریق ثانی کا قول یہ ہے : جو بیٹا کمائے وہ اسی کا ہوگا باپ کا اس میں دخل نہ ہوگا اس قول کو امام ابوحنیفہ (رح) اور صاحبین (رح) نے اختیار کیا ہے۔
فریق اول : بیٹے کی کمائی والد کی ملک ہے جیسا کہ اس روایت کا ظاہر دلالت کررہا ہے۔