٦٠٤: ابو الزبیر نے سعید بن جبیر سے نقل کیا کہ ایک عورت اہل کوفہ میں سے استحاضہ میں مبتلا ہوئی اس نے عبداللہ بن عمر (رض) اور عبداللہ بن عباس (رض) اور عبداللہ بن زبیر (رض) کو خط لکھا ان کو اللہ تعالیٰ کی قسم دے کر وہ کہہ رہی تھی میں ایک مسلمان عورت ہوں مجھ پر دو سال سے یہ بیماری وارد ہوئی ہے کہ میں استحاضہ کا شکار ہوں اس سلسلہ میں آپ مجھے کیا فتویٰ دیتے ہیں سب سے پہلے یہ خط ابن زبیر (رض) کے ہاتھ لگا انھوں نے کہا جہاں تک میں جانتا ہوں وہ یہ ہے کہ وہ اپنے حیض کے دنوں کو چھوڑ کر بقیہ ایام میں ہر نماز کے لیے غسل کر کے نماز پڑھے سب نے اسی فتویٰ کی تصدیق و پیروی کی۔
اللغات : الترترہ۔ تیز کلامی ‘ قرأۃ میں ڈھیلا پن۔ ہذرمنہ۔ تیز پڑھنا۔ تناشدھم۔ قسم دینا۔ تتابع۔ پیروی کرنا۔
تخریج : عبدالرزاق ١؍٣٠٨۔