٦٠٥٣: ابو سلمہ بن عبدالرحمن نے حضرت براء بن عازب (رض) سے روایت کی ہے اور انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔ البتہ انھوں نے ” العجفاء التی لاتنقی “ تو کہا مگر الکبیرۃ کا لفظ ساتھ نہیں کہا۔ امام طحاوی (رح) فرماتے ہیں : بعض لوگوں نے اس روایت کو سامنے رکھتے ہوئے یہ کہا کہ بکری ‘ اونٹ اور گائے جس میں ان چاروں عیوب میں سے کوئی عیب ہو وہ بطور ہدی اور قربانی کے جائز نہیں ان کے علاوہ جس کی چکی یا کان کٹا ہوا ہو اس کو ہدی کے طور پر دینا منع نہیں انھوں نے مزید دلیل دیتے ہوئے یہ روایت بھی پیش کی جس کو ابو سعید خدری (رض) نے نقل کیا ہے۔