٦٠٩٧: محمد بن عبدالرحمن بن ثوبان نے رسول اللہ (صلی اللہ علیہ وآلہ وسلم) کے چند اصحاب (رض) سے اسی طرح کی روایت کی ہے۔ جب ثابت ہوگیا کہ گائے سات سے زائد حصوں میں تقسیم نہیں ہوسکتی۔ جب ان سے سات پر اکتفا ثابت ہوا تو ہمیں ان سے زائد یا اکثر کی طرف تعدیہ جائز نہیں۔ تو بکری میں سات سے اضافہ نہ ہونا بدرجہ اولیٰ ثابت ہوا۔ اب جبکہ بکری سات سے زائد کے لیے کافی نہیں تو ان لوگوں کی بات نادرست ہوگئی جو کہتے ہیں کہ یہ ان سب کی طرف سے کافی ہوگئی جن کی طرف سے وہ ذبح کی گئی جن کی تعداد غیر معین ہے اور یہ حکم اس کے علاوہ کی طرف تجاوز نہ کرے گا تو اب اس کی ضد ثابت ہوگئی اور وہ ان لوگوں کا قول ہے جو کہتے ہیں کہ بکری صرف ایک آدمی کی طرف سے کفایت کرے گی۔ اگر کوئی معترض کہے کہ بکری کو افضل ہونے کی وجہ سے سات سے زائد افراد و اشخاص کے لیے جائز قرار دیا۔ ان کو جواب میں کہا جائے گا کہ تمہارے پاس اس بات کی کیا دلیل ہے کہ بکری سب سے افضل ہے اور اس افضلیت کی وجہ سے تم نے اس کو سات سے بھی زائد افراد کے لیے جائز قرار دے دیا۔ حالانکہ جناب رسول اللہ (صلی اللہ علیہ وآلہ وسلم) کا فرمان یہ ہے۔