٦١٢١: ابو عبید مولیٰ عبدالرحمن نے حضرت علی (رض) کو عیدالاضحی کے دن فرماتے سنا اے لوگو ! جناب نبی اکرم (صلی اللہ علیہ وآلہ وسلم) نے قربانی کا گوشت تین کے بعد کھانے سے منع فرمایا پس تم تین دن کے بعد مت کھاؤ۔
تخریج : بخاری فی الاضاحی باب ١٦‘ مسلم فی الاضاحی ٢٤‘ مسند احمد ١؍١٤١۔
قربانی کا گوشت تین دن کے بعد رکھنا اور استعمال کرنا جائز نہیں اس کو اختیار کیا ہے۔
فریق ثانی کا مؤقف یہ ہے کہ قربانی کا گوشت تین دن اور اس سے زائد رکھنا اور استعمال کرنا ہر دو جائز ہیں اس قول کو ائمہ احناف نے اختیار کیا ہے۔