٦١٣: عروہ کی حضرت عائشہ (رض) سے روایت ہے کہ فاطمہ بنت ابی حبیش (رض) جناب رسول اللہ (صلی اللہ علیہ وآلہ وسلم) کی خدمت میں آئیں اور کہنے لگیں یارسول اللہ (صلی اللہ علیہ وآلہ وسلم) مجھے استحاضہ کا خون آتا ہے جو منقطع ہونے کا نام نہیں لیتا آپ (صلی اللہ علیہ وآلہ وسلم) نے فرمایا کہ تو ایام حیض میں نماز ترک کر دے پھر (اس سے فراغت پر) غسل کرے اور ہر نماز کے لیے وضو کرے خواہ خون کے قطرات نماز والی چٹائی پر ٹپکتے رہیں۔
تخریج : بخاری فی الوضوء باب ٦٣‘ والحیض باب ٢٤‘ مسلم فی الحیض باب ٦٢‘ ابو داؤد فی الطھارۃ باب ١٠٧‘ ترمذی فی الطھارۃ باب ٩٣‘ نسائی فی الحیض باب ٣‘ ٤‘ ابن ماجہ فی الطھارۃ باب ١١٥‘ دارمی فی الوضوء باب ٨٤‘ مسند احمد ٦؍٨٢‘ ١٢٨؍١٨٧‘ مصنف عبدالرزاق ١١٦٥‘ مصنف ابن ابی شیبہ ١؍١٢٥‘ دارقطنی ١؍٢٠٦۔ بیہقی فی سنن کبرٰی ١؍٣٢٣۔