٦١٧: ثابت نے اپنے والد سے انھوں نے جناب نبی اکرم (صلی اللہ علیہ وآلہ وسلم) سے نقل کیا کہ آپ (صلی اللہ علیہ وآلہ وسلم) نے فرمایا مستحاضہ ایام حیض میں نماز چھوڑ دے پھر غسل کرے اور ہر نماز کے لیے وضو کرے اور نماز پڑھے اور روزہ رکھے۔ انھوں نے فرمایا حضرت علی (رض) سے اس سلسلہ میں روایت وارد ہے جس کو فہد نے اپنی سند کے ساتھ حضرت علی (رض) سے عدی بن ثابت جیسی روایت نقل کی ہے جس کو فصل اول میں ہم ان روایات میں جناب رسول اللہ (صلی اللہ علیہ وآلہ وسلم) اور حضرت علی (رض) سے بیان کرچکے۔ ان پر ایک معترض نے اعتراض کیا کہ ابوحنیفہ (رح) کی اپنی سند کے ساتھ عروہ سے روایت غلط ہے کیونکہ حفاظ حدیث نے اس کو ہشام بن عروہ سے روایت کیا ہے اور اس کا متن بھی اس سے مختلف بیان کیا گیا ہے ‘ ملاحظہ ہو۔
تخریج : ابو داؤد فی الطھارۃ باب ١١١‘ ٢٩٧‘ ترمذی فی الطھارۃ باب ٩٤‘ ١٢٦‘ ابن ماجہ فی الطھارۃ باب ١١٥‘ دارمی فی الوضوء باب ٨٤‘ ١؍٤٢‘ مسند احمد ٦؍٤٢‘ مصنف ابن ابی شیبہ کتاب الطھارۃ ١؍١٢٨۔
روایات علی (رض) :
اس روایت کو عدی بن ثابت عن ابیہ عن علی (رض) کی سند سے پہلی روایات میں ذکر کر آئے ہیں اور ایک روایت اسی سند سے جناب رسول اللہ (صلی اللہ علیہ وآلہ وسلم) سے بھی منقول ہے تو اب حضرت علی (رض) سے ایک روایت غسل لکل صلوۃ ایک روایت غسل لصلاتین اور ایک روایت وضو لکل صلوۃ کی منقول ہے ہم ان میں سے وہ روایت لیں گے جو نبی اکرم (صلی اللہ علیہ وآلہ وسلم) سے فاطمہ بنت ابی حبیش اور خود جناب علی (رض) سے ثابت ہے اور وہ وضو لکل صلوۃ ہے۔ فتدبر۔
ایک اشکال :
امام ابوحنیفہ (رح) کی روایت میں توضی عند کل صلوۃ کے الفاظ ہیں جو کہ ہشام کے حفاظ شاگردوں کی روایات کے خلاف نہیں پس یہ مندرج روایت ہے۔
ملاحظہ ہو :