٦٢١٠: نافع نے حضرت ابن عمر (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے ایک دن فرمایا کاش ہمارے پاس گندم کی روٹی ہوتی جو گھی اور دودھ میں تلی گئی ہوتی تو اسی وقت ایک صحابی کھڑے ہوئے اور اس کو بنا کرلے آیا تو جناب رسول اللہ (صلی اللہ علیہ وآلہ وسلم) نے فرمایا گھی کس چیز میں تھا اس نے کہا گوہ کے چمڑہ سے بنی ہوئی کپی میں۔ آپ نے فرمایا اس کو اٹھالو۔ کوئی کہہ سکتا ہے کہ اس روایت سے تو معلوم ہوتا ہے گوہ کا گوشت مکروہ ہے۔ ان کو جواب میں کہے کہ عین ممکن ہے کہ اس سے مراد کراہت ہو جس کا تذکرہ حضرت ابو سعید (رض) کی روایت ہے۔ مگر وہ کراہت تحریمی نہ ہوگی اور ابن عمر (رض) کی ایک روایت اس کراہت تنزیہہ ہونے پر دلالت کرتی ہے۔ روایت ابن عمر (رض) یہ ہے۔