٦٢٢٩: شیبانی نے یزید بن اصم سے بیان کیا کہ مدینہ منورہ میں ہمیں شادی کی ایک دعوت میں حاضری کا موقع ملا ہمارے سامنے کھانا رکھا گیا ہم نے کھالیا پھر ہمارے سامنے تیرہ گوہ رکھے گئے تو ہم میں سے بعض نے کھالیا بعض نے چھوڑ دیا جب صبح ہوئی تو میں ابن عباس (رض) کی خدمت میں آیا اور میں نے اس سارے واقعے کی اطلاع دی تو ان کے پاس بعض موجود لوگوں نے کہا کہ جناب رسول اللہ (صلی اللہ علیہ وآلہ وسلم) نے فرمایا کہ نہ میں اس کو کھاتا ہوں نہ اس کو حرام کرتا ہوں نہ اس کا حکم دیتا ہوں اور نہ اس سے روکتا ہوں ابن عباس (رض) کہنے لگے جناب رسول اللہ (صلی اللہ علیہ وآلہ وسلم) کو حلال و حرام کرنے والا بنا کر نہیں بھیجا گیا آپ کی خدمت میں کھانے کے لیے گوشت پیش کیا گیا آپ نے کھانے کے لیے ہاتھ بڑھایا تو میمونہ کہنے لگی یارسول اللہ (صلی اللہ علیہ وآلہ وسلم) یہ گوہ کا گوشت ہے آپ نے اپنا دست اقدس اس سے کھینچ لیا اور فرمایا یہ گوشت ہے جس کو میں نے کبھی نہیں کھایا چنانچہ فضل بن عباس اور خالد بن ولید (رض) اور ان کی بیوی بھی ان کے ساتھ تھی انھوں نے اس کو کھالیا میمونہ (رض) کہنے لگی میں اس کھانے کو نہ کھاؤں گی جس کو رسول اللہ (صلی اللہ علیہ وآلہ وسلم) نے نہیں کھایا۔
تخریج : مسلم فی الصید روایت ١٧۔