٦٢٩: عطاء کہتے ہیں کہ حضرت عائشہ (رض) نے دعا کی : اللہم لا تشف من استشفٰی الخمر ۔ اے اللہ ! جو شراب سے شفاء حاصل کرلے اس کو شفاء نہ دے۔ جب ان آثار سے یہ ثابت ہوگیا کہ جو چیز بندوں پر حرام کی گئی اس میں شفا نہیں اور آپ (صلی اللہ علیہ وآلہ وسلم) نے اونٹوں کے پیشاب کو دوائی کے لیے تجویز فرمایا جیسا کہ پہلی روایت میں وارد ہے ‘ پس ثابت ہوا کہ یہ طاہر ہے ‘ حرام نہیں اور جناب رسول اللہ (صلی اللہ علیہ وآلہ وسلم) سے اس بارے میں اور بھی روایات مروی ہیں۔
تخریج : ابن ابی شیبہ ٥؍٣٨
حاصل آثار :
ان پانچوں آثار سے یہ بات ثابت ہو رہی ہے کہ حرام میں شفاء نہیں اور پہلے آثار میں ان کو اونٹوں کا پیشاب بطور دوا استعمال کرنے کا حکم فرمایا اس سے ثابت ہوا کہ وہ حرام بھی نہیں اور نجس بھی نہیں بلکہ طاہر ہے اور اس وجہ سے اس کو پینے کا حکم دیا۔