٦٣٣٢: عبدالملک بن نافع کہتے ہیں کہ میں نے ابن عمر (رض) سے سوال کیا کہ ہمارے گھر والے مشک کے اندر نبیذ بناتے ہیں اگر میں اس کو ختم کروں تو مجھے ہی نقصان ہوگا ابن عمر (رض) کہتے ہیں سرکشی کا وبال اس پر ہے جو سرکشی کا ارادہ کرے میں جناب رسول اللہ (صلی اللہ علیہ وآلہ وسلم) کے پاس اس رکن کے قریب موجود تھا کہ آپ کے پاس ایک آدمی نبیذ کا پیالہ لایا پھر ابو امیہ جیسی روایت بیان کی ہے کہ آپ (صلی اللہ علیہ وآلہ وسلم) نے فرمایا اس کو پانی سے توڑ دو ۔ اس روایت میں شدید نبیذ کی تھوڑی مقدار کا مباح ہونا ثابت ہوتا ہے ہمارے لیے سب سے بہتر یہی ہے کہ جب جناب نبی اکرم (صلی اللہ علیہ وآلہ وسلم) سے ” کل مسکر حرام “ بھی مروی ہے تو ہم دونوں اقوال کا ایسا معنی کریں جو دوسرے قول سے مختلف ہو (الگ الگ محمل نکالیں) پس ” کل مسکر حرام “ والی روایت کو نبیذ کی اس مقدار پر محمول کیا جائے جو کثیر اور نشہ آور ہو اور دوسری روایت قلیل مقدار خواہ سخت ہو اس کی اباحت ثابت ہوگی اور حضرت ابو مسعود انصاری (رض) نے جناب نبی اکرم (صلی اللہ علیہ وآلہ وسلم) سے حضرت ابن عمر (رض) جیسی روایت نقل کی ہے۔ روایت یہ ہے :