٦٣٣٦: فضیل بن مرزوق نے ابو اسحاق سے پھر انھوں نے اپنی اسناد سے اسی طرح روایت نقل کی ہے۔ جب جناب رسول اللہ (صلی اللہ علیہ وآلہ وسلم) نے ابو موسیٰ و معاذ (رض) کے بتع وغیرہ کے متعلق استفسار کے جواب میں فرمایا تم مشروبات کا استعمال کرو اور نشہ آور چیز مت استعمال کرو۔ تو اس سے ثابت ہوگیا کہ ایسی مقدار جو نشہ لائے اس کا حکم نشہ نہ لانے والی مقدار سے مختلف ہے۔ پس اس سے دلالت میسر آگئی کہ فصل اول میں ابو موسیٰ (رض) کی روایت ” کل مسکر حرام “ سے وہ مقدار مراد ہے جو نشہ پیدا کر دے وہ معینہ چیز مراد نہیں کہ جس کی کثیر مقدار نشہ لائے (کہ وہ مکمل طور پر حرمت میں شامل ہو) ہم نے ابو سلمہ کی روایت حضرت عائشہ (رض) سے اس آدمی کے جواب جناب نبی اکرم (صلی اللہ علیہ وآلہ وسلم) نے فرمایا ” کل شراب اسکر فہو حرام “ ہر مشروب جو نشہ لائے وہ حرام ہے۔ اگر بالفرض اس سے اس مشروب کی قلیل مقدار لیں کہ جس کی زیادہ مقدار نشہ آور بن جاتی ہے تو آپ کا جواب ابو موسیٰ والی روایت کے متضاد بن جاتا ہے اور اگر اس سے خاص نشہ کی حرمت مراد لیں مشروب کی حرمت مراد نہ لیں تو اس صورت میں روایت ابو موسیٰ (رض) کے موافق بن جاتی ہے۔ ہمارے لیے سب سے بہتر راہ یہی ہے آثار کو ایسے معانی پر محمول کریں کہ جن سے باہمی تضاد پیدا نہ ہو اور حضرت عبداللہ بن مسعود (رض) سے بھی یہ مروی ہے۔ ملاحظہ ہو۔