٦٣٣٩: علقمہ کہتے ہیں کہ میں نے ابن مسعود (رض) سے جناب رسول اللہ (صلی اللہ علیہ وآلہ وسلم) کے قول کے متعلق دریافت کیا جو مسکر کے متعلق ہے۔ تو فرمایا آخری گھونٹ حرام ہے (یعنی جب وہ نشہ آور ہوجائے) یہ ابن مسعود (رض) ہیں جن کے فعل سے قلیل سخت نبیذ کی اباحت ثابت ہو رہی ہے اور ان کا جو قول ہم نے ذکر کیا اور ” کل مسکر حرام “ کی جو تفسیر ذکر کی وہ ہمارے سابقہ بیان کے مطابق ہے۔ حضرت ابن عباس (رض) سے انھوں نے جناب نبی اکرم (صلی اللہ علیہ وآلہ وسلم) سے روایت نقل کی ہے جو اس پر دلالت کرتی ہے۔