٦٤٧٥: معدان بن طلحہ یعمری کہتے ہیں کہ حضرت عمر (رض) نے فرمایا اے لوگو ! تم یہ ناپسندیدہ پودے کھاتے ہو یعنی لہسن اور پیاز اور میں رسول اللہ (صلی اللہ علیہ وآلہ وسلم) کے زمانے میں دیکھا کرتا تھا کہ جس سے ان کی بو پائی جاتی اس کا ہاتھ پکڑ کر اس کو بقیع کی طرف نکال دیا جاتا پس جو شخص تم میں سے ان دونوں کو استعمال کرے تو پکا کر ان کی بو کو ختم کرلے۔ یہ عمر (رض) ہیں جنہوں نے بتلا دیا کہ رسول اللہ (صلی اللہ علیہ وآلہ وسلم) کے زمانے میں جو شخص کھاتا تھا وہ کیا کرتا تھا حضرت عمر (رض) نے ان کی بو کو ختم کر کے کھانے کو مباح قرار دیا جس سے یہ ثابت ہوا کہ ممانعت حرمت کے لیے نہیں ہے۔
تخریج : مسلم فی المساجد روایت ٧٨‘ نسائی فی المساجد باب ١٧‘ ابن ماجہ فی الاطعمہ باب ٥٩‘ مسند احمد ١؍١٥‘ ٤؍١٩۔